Այսօր՝ հուլիսի 18-ին, լրագրողների հետ զրույցում ՀՀ աշխատանքի և սոցիալական հարցերի նախարար Մանե Թանդիլյանը՝ անդրադառնալով կուտակային կենսաթոշակային համակարգի խնդրին, ասաց. «Քննարկումներն ընթացքի մեջ են, և այսօր ես շտապում եմ նաև այդ հանդիպմանը՝ նախարարների մակարդակով, որ գտնենք ընդհանուր լուծումներ: Լուծումները կան, տրված են, մնում է որոշակի համաձայնության գալ, և վերջնական տեսքով նախագիծը դնենք հանրային քննարկման»:

Հարցին, թե որոնք էին այն սկզբունքները, որի համար նա  հրաժարական տվեց, նա արձագանքեց. «Ես սկզբունքները հայտարարել եմ, բացահայտել եմ, և հենց այդ մասին են լուծումները, որոնք կհրապարակենք, երբ հանրային քննարկումներն ամփոփենք և նախագծին կտրվի օրենքի տեսք»:

Ինչ վերաբերում է Դաշնակցության ներկայացրած առաջարկներին, Մանե Թանդիլյանն ասաց, որ վաղուց է ծանոթ այդ տեսակետին. «Ես այդ հայեցակարգով աշխատել եմ Արծվիկ Մինասյանի հետ, և հիմա գտնում ենք ընդհանուր հնարավոր լուծումներ»: