Յարոսլավլում սկսվել են «Սուսերով պար» գեղարվեստական ֆիլմի նկարահանումները: Այն մեծանուն կոմպոզիտոր Արամ Խաչատրյանին նվիրված առաջին լիամետրաժ գեղարվեստական ֆիլմը:

«Նկարահանման առաջին փուլը տեղի է ունենում Յարոսլավլ քաղաքում, որտեղ նկարահանվում են Արամ Խաչատրյանի եւ հայտնի խորհրդային ջութակահար Դավիթ Օյստրախի եւ ականավոր կոմպոզիտոր Դմիտրի Շոստակովիչի հանդիպման կադրերը», - RUSARMINFO-ի հետ հարցազրույցում ասել է ֆիլմի պրոդյուսեր Տիգրան Մանասյանը:

Յարոսլավից հետո, 2018 թ. ապրիլին, նկարահանող խումբը կմեկնի Հայաստան: Կոմպոզիտորի հայրենիքում նկարահանումները տեղի կունենան Երեւանում, Դիլիջանում եւ Խոր Վիրապում:

Ֆիլմում պատկերված հիմնական գործողությունները տեղի է ունենում 1942 թ.-ին, երբ Կիրովի (Մարինյան) թատրոնը տարհանվել է Ուրալ, որտեղ Արամ Խաչատրյանը ավարտել է Գայանե բալետը: Ֆիլմի գործողությունները զարգանում են նաեւ Հայաստանում, որտեղ 1939 թ.-ին կոմպոզիտորը գրել է «Երջանկություն» բալետը: «Սուսերով պար»-ի ռեժիսորն ու սցենարիստը հայտնի սովետական, ուզբեկ եւ ռուս ռեժիսոր Յուսուպ Ռազիկովն է: Ֆիլմի արտադրությունը պատկանում է Ռուբեն Դիշդիշյանի «Մարս մեդիա» ռուսական կինոընկերությանը, իսկ պրոդյուսերը հայկական կողմից է`Կարեն Ղազարյանը: