103-ամյա Բավական տատիկը Սպիտակից եկել էր Երևան՝ պատգամավորներին մանդատ հանձնելու

103-amya-bavakan-tatike-spitakic-ekel-er-erean-patgamavornerin-mandat-hancnelou

103-ամյա Բավական Փիլոյանը Լոռու մարզի Սարահաթ համայնքից Երևան էր եկել՝ նորընտիր պատգամավորներին մանդատներ հանձնելու: Նա առաջին քաղաքացին էր, ով բեմ հրավիրվեց մանդատների հանձնման արարողության ժամանակ և ոգևորությամբ իրականացրեց իրեն վստահված առաքելությունը:

Ավելի ուշ, երբ առիթ ստեղծվեց զրուցելու Բավական տատի հետ, նա դժվարությամբ էր խոսում, սակայն իր օրհնանքի խոսքն ասաց և նույնիսկ հրավիրեց իրենց տուն՝ Սարահաթ համայնք: Բավական տատի հարսը՝ Հայկանուշ Ոսկանյանը, բացատրեց, որ տատիկը շատ հյուրընկալ է, սիրում է, երբ տանը մարդաշատ է լինում:

103-ամյա սկեսրոջ փոխարեն նա պատմեց, թե ինչպես առաջարկ ստացան մանդատներ հանձնելու պատգամավորներին: «Դեկտեմբերի 29-ին զանգ ստացանք Կենտրոնական ընտրական հանձնաժողովից, որ հրավիրվում ենք մասնակցելու մանդատների բախշման արարողությանը: Տատիկին ասացինք, ուրախացավ, բայց ինքը չգիտի, թե մանդատի բաշխումն ինչ է: Ուրախությամբ եկանք ու մասնակցեցինք միջոցառմանը»,- ասաց նա:

Տիկին Հայկանուշը նշեց, որ մեծ հույսեր են կապում նորակազմ խորհրդարանի ու նոր իշխանության հետ. «Բոլորս էլ մեծ հույսերով ենք սպասում փոփոխություններին, որ մի քիչ մեր հայ ազգի վիճակը բարելավվի»:

Մանրամասն՝ ՀԱՅ ՁԱՅՆ-ի տեսանյութում

Լրահոս

Օրվա թեմաները

Ամենաընթերցվածը

Նմանատիպ նորություններ