2020թ. «Ավրորա» մրցանակի առաջադրումների փուլն ավարտված է

am es
2020t-avrora-mrcanaki-arajadroumneri-pouln-avartvac-e

2020թ. «Ավրորա» մրցանակի առաջադրումների փուլն ավարտված է: Առաջադրման փուլը պաշտոնապես մեկնարկել էր 2019թ. մայիս 16-ին՝ Միասին խաղաղ ապրելու միջազգային օրը, ընդգծելով միասին ապրելու եւ արարելու ցանկությունը՝ հանուն խաղաղ, համերաշխ, ներդաշնակ եւ կայուն աշխարհի ստեղծման: Մեկնարկից սկսած հարյուրավոր առաջադրումներ են ստացվել, որոնցից 593 չկրկնվող, եզակի թեկնածուներ են:

Անդրադառնալով առաջադրումների ընթացքին՝«Ավրորա» մրցանակի Ընտրող հանձնաժողովի նախագահ Լորդ Արա Դարզին ասել է. «Առաջադրումները, որոնք ստացել ենք, ներկայացնում են 593 չկրկնվող թեկնածուների: Նրանցից յուրաքանչյուրը բացառիկ է յուրովի: Եվ կարծում եմ, արդար կլինի ասել, որ մենք էլ՝ որպես Ընտրող հանձնաժողովի անդամներ, մեր  անելիքն ունենք: Ամեն տարի մենք շարունակում ենք ավելի ու ավելի հետաքրքիր պատմություններ բացահայտել անվախ ու սրտացավ մարդկանց մասին, որոնք վտանգում են ամեն ինչ՝ ուրիշներին օգնելու համար: Ինչ խոսք, սա ոգեշնչող է: Ու քանի որ «Ավրորա» շարժումն անընդհատ մեծանում է, մենք մտադիր ենք շարունակել պատմել այս անհայտ հերոսների՝ մարդասերների անհավանական նվաճումների մասին, որպեսզի աշխարհը ճանաչի նրանց»:

Բոլոր առաջադրված թեկնածուներին այժմ կուսումնասիրի եւ կգնահատի մարդասիրության ոլորտում հայտնի փորձագետներից կազմված խորհուրդը: Նրանք կառանձնացնեն հավանական թեկնածուներին, որոնք, ըստ նրանց, ամենաարժանին են «Ավրորա» մրցանակին: Գնահատման գլխավոր չափանիշներն  են խիզախությունը, նվիրվածությունը եւ ազդեցությունը, որոնք դրսեւորել են առաջադրված թեկնածուները: Դրանից հետո «Ավրորա» մրցանակի Ընտրող հանձնաժողովը կընտրի 2020թ. «Ավրորայի» հերոսներին, որոնց անունները կհայտարարվեն 2020թ. ապրիլի 24-ին՝ Հայոց ցեղասպանության նահատակների ոգեկոչման օրը:

Ընտրող հանձնաժողովը նախագահում է Լորդ Արա Դարզին՝ Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրենը: Հանձնաժողովի կազմում են Նոբելյան դափնեկիրներ Օսկար Արյասը, ՇիրինԷբադինեւԼեյմաԳբովեն, Իռլանդիայի նախկին նախագահ Մերի Ռոբինսոնը, մարդու իրավունքների ակտիվիստ Հինա Ջիլանին, Ավստրալիայի նախկին արտգործնախարար եւ Միջազգային ճգնաժամային խմբի պատվավոր նախագահ ԳարեթԷվանսը, Մեքսիկայի նախկին նախագահ ԷռնեստոՍեդիլյոն, «Բժիշկներ առանց սահմանների» կազմակերպության համահիմնադիրեւ Ֆրանսիայի նախկին արտգործնախարար ԲեռնարդՔուշները, ՄԱԿ-ում ԱՄՆ նախկին մշտական ներկայացուցիչ ՍամանտաՓաուերը, մարդու իրավունքների ակտիվիստ եւ Enough նախագծի հիմնադիր տնօրեն Ջոն Փրենդերգասթը, Մարիինյան թատրոնի գեղարվեստական եւ գլխավոր տնօրեն, Մյունխենի ֆիլհարմոնիկ նվագախմբի գլխավոր դիրիժոր Վալերի

 

Գերգիեւը, Նյու Յորքի Կարնեգի կորպորացիայի նախագահ Վարդան Գրեգորյանը: Հանձնաժողովի պատվավոր համանախագահներն են խաղաղության եւ մարդու իրավունքների հայտնի ակտիվիստ Բենջամին Ֆերենցըեւօսկարակիր դերասան ու մարդասեր Ջորջ Քլունին։

2020թ. «Ավրորայի» հերոսների անունները կհայտարարվեն 2020թ. ապրիլի 24-ին, որին կհետևեն մի շարք միջոցառումներ՝ մեծարելու մարդասերներինեւ «Ավրորա» մրցանակի հավակնորդներին: Միջոցառումները կեզրափակվեն 2020թ. «Ավրորա» մրցանակի շնորհման արարողությամբ:

 

***
«Ավրորա» համաշխարհային մարդասիրական մրցանակի մասին

«Ավրորա» համաշխարհային մարդասիրական մրցանակի նպատակն է մեծարել մերօրյա հերոսներին այն բացառիկ ազդեցության համար, որ նրանք իրենց գործողություններով ունեցել են մարդկային կյանքի պահպանման եւմարդասիրությունն առաջ մղելու գործում։ Հայոց ցեղասպանությունը վերապրողների անունից՝ ի երախտագիտություն նրանց փրկողների, «Ավրորա» մրցանակի դափնեկրին ամեն տարի 2015-2023թթ. (ի հիշատակ ութ տարի տեւած Հայոց ցեղասպանության՝1915-1923թթ.) շնորհվում է 100.000 դոլար պարգեւեւ բացառիկ հնարավորություն շարունակելու նվիրատվության շղթան՝ 1.000.000 դոլարի դրամաշնորհի առաջադրելով իրեն ոգեշնչածեւ գործի մղած կազմակերպություններին։

«Ավրորա» մրցանակի Ընտրող հանձնաժողովի կազմում ընդգրկված են Նոբելյան դափնեկիրներ Օսկար Արյասը, ՇիրինԷբադինեւԼեյմաԳբովեն, Իռլանդիայի նախկին նախագահ Մերի Ռոբինսոնը, մարդու իրավունքների ակտիվիստ Հինա Ջիլանին, Ավստրալիայի նախկին արտգործնախարար եւ Միջազգային ճգնաժամային խմբի նախագահ ու գործադիր տնօրեն ԳարեթԷվանսը, Մեքսիկայի նախկին նախագահ ԷռնեստոՍեդիլյոն, «Բժիշկներ առանց սահմանների» կազմակերպության համահիմնադիրեւ Ֆրանսիայի նախկին արտգործնախարար ԲեռնարդՔուշները, ՄԱԿ-ում ԱՄՆ նախկին մշտական ներկայացուցիչ ՍամանտաՓաուերը, մարդու իրավունքների ակտիվիստ եւ Enough նախագծի հիմնադիր տնօրեն Ջոն Փրենդերգասթը, Մարիինյան թատրոնի գեղարվեստական եւ գլխավոր տնօրեն, Մյունխենի ֆիլհարմոնիկ նվագախմբի գլխավոր դիրիժոր Վալերի Գերգիեւը, Նյու Յորքի Կարնեգի կորպորացիայի նախագահ Վարդան Գրեգորյանը: Հանձնաժողովը նախագահում է Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրեն Լորդ Արա Դարզին: Պատվավոր համանախագահներն են խաղաղության եւ մարդու իրավունքների հայտնի ակտիվիստ Բենջամին Ֆերենցըեւօսկարակիր դերասան ու մարդասեր Ջորջ Քլունին։

Ավելին՝ www.auroraprize.com

Լրահոս

Նմանատիպ նորություններ