Հայը տերևաթափ ծառ է, բայց ոչ չորացած ու փտած, հասել է նրա վերընձյուղվելու գարունը և դալար բողբոջներն ամեն կողմից կարձակվեն: Իսկ Հայության ծառի բողբոջների շարքում են` Կրոնը, Եկեղեցականությունը, Լեզուն, Դպրությունը, Գիտությունը, Զինվորականությունը, Քաղաքագիտությունը, Վաճառականությունը

ՄԱՂԱՔԻԱ ՕՐՄԱՆՅԱՆ ՊԱՏՐԻԱՐՔ

Արեւմուտքը ստուգում է Իրանի ամրությունը

am
Arewmowtk`e stowgowm e Irani amrowt`yowne_38430

Իրանում ցանկացած խլրտում կարող է իր անմիջական ազդեցությունը թողնել ՀՀ ազգային անվտանգության վրա: Այս մասին այսօր լրագրողների հետ հանդիպման ժամանակ նշեց թուրքագետ Մուշեղ Խուդավերդյանը: «Իրանում ցանկացած ապակայունացում բերում է տարածաշրջանում հակամարտությունների սրման նոր օջախների առաջացման: Խոսքը նույնիսկ կարող է վերաբերել ղարաբաղյան խնդրին, երբ տարածաշրջանային անկայունությունն օգտագործելով՝ ադրբեջանական կողմը կարող է առիթից օգտվել և պատերազմ սանձազերծել»:

Ըստ բանախոսի՝ Իրանում վերջին լայնածավալ ցույցերի նպատակը ոչ այնքան հեղափոխությունն ու Իրանի վարչակարգը տապալելն է, որքան ցույց տալը, թե Արևմուտքը կարող է պայքարել Իրանի դեմ:

 

«Արևմուտքի նպատակը ոչ թե Իրան պետության ոչնչացումն է, այլ ընդամենն Իրանում այնպիսի իշխանություն հաստատելը, որը համահունչ կլինի արևմտյան շահերին և չի սպառնա Արևմուտքի ազգային անվտանգությանը: Իրանում ցույցեր հրահրելն ուներ նաև այլ նպատակ. թերևս Ռուսաստանի ու Չինաստանի դաշնակից երկրներին թուլացնելով՝ հետագայում թուլացնել նաև այդ գերտերություններին: Իրանական ցույցերի կազմակերպմանը խառնված է ոչ միայն ԱՄՆ-ը, այլև իսրայելական «Մոսադը», ինչից կարելի է եզրակացնել, որ այդ երկրին ձեռնտու են Իրանի թուլացումն ու իսլամական իշխանության փոփոխությունը: Իսրայելը նպատակ ունի Իրանում իշխանություն փոխելով թուլացնել մահմեդական երկրների միասնությունը: Այդ միասնությունը չի բխում ինչպես Արևմուքի, այնպես էլ Իսրայելի շահերից: Այնպես որ, Իրանում ցույցերի ավարտը ոչ այնքան ավարտ է, որքան մեծ գործընթացի սկիզբ: Արևմուտքը փոձում է հասկացնել, որ Իրանի դեմ պայքարելու է ինչպես արտաքին, այնպես էլ ներքին լծակներով: Միաժամանակ, ակնհայտ է, որ Իրանում հեղափոխություն անելը բավական բարդ է՝ անգամ արևմտյան հատուկ ծառայությունների համար: Ցույցեր հրահրելով՝ արևելյան և արևելյան բլոկները փորձում են ստուգել հակառակորդի ամրությունը»:

Լրահոս

Օրվա թեմաները

Ամենաընթերցվածը

Նմանատիպ նորություններ