Այսօր հունիսի մեկն է՝ Երեխաների պաշտպանության միջազգային օրը:

Հունիսի 1-ը որպես Երեխաների պաշտպանության միջազգային օր ազդարարվել է  1925թ. Շվեյցարիայում տեղի ունեցած Երեխաների բարեկեցության համաշխարհային կոնֆերանսի ընթացքում: Տոնն առաջին անգամ 1950 թվականին ։

Երեխաների իրավունքների պաշտպանությանը վերաբերող բազմաթիվ միջազգային փաստաթղթեր են ստորագրվել, որոնց թվում են 1959թ. ՄԱԿ-ի Գլխավոր ասամբլեայի ընդունած Երեխայի իրավունքների հռչակագիրն ու 1989թ. Երեխաների իրավունքների մասին կոնվենցիան:

Հայաստանը Երեխաների իրավունքների մասին կոնվենցիան վավերացրել է 1992թ., որից հետո՝ 1996թ., ընդունվել է «Երեխայի իրավունքների մասին» ՀՀ օրենքը:

Այս օրը հանրապետության տարբեր մարզերում, մայրաքաղաքում բազմաթիվ միջոցառումներ են կազմակերպվում: