ԵԱՀԿ Դիտարկում

am
EAHK Ditarkowm_17411

5 Ապրիլին, Արցախի Հանրապետութեան իշխանութիւններուն հետ ձեռք բերուած պայմանաւորուածութեան համաձայն, ԵԱՀԿ առաքելութիւնը Արցախի եւ Ատրպէյճանի զինուած ուժերու շփման գիծի նախագծային դիտարկում իրականացուցած է Հադրութի շրջանի ուղղութեամբ՝ Քարախանպէյլիի մօտակայքը:
Արցախի Հանրապետութեան Պաշտպանութեան Բանակի դիրքերէն դիտարկումն իրականացուցած են ԵԱՀԿ գործող նախագահի անձնական ներկայացուցիչի (ԳՆԱՆ) դաշտային օգնականներ Միխայիլ Օլարու (Մոլտովա) եւ Կենատիէ Փեթրիքա (Մոլտովա), ինչպէս նաեւ ԵԱՀԿ Բարձր մակարդակի ծրագրաւորման խումբի ներկայացուցիչ փոխգնդապետ Փաթրիք Ֆարելի (Իրլանտա)։
Շփման գիծի հակառակ կողմէն դիտարկումն իրականացուցած են ԵԱՀԿ ԳՆԱՆ գրասենեակի աշխատակից Փեթեր Սվետպերկ (Շուէտ), ԵԱՀԿ ԳՆԱՆ անձնական օգնական Սայմոն Թիլլեր (Բրիտանիա) եւ ԵԱՀԿ Բարձր մակարդակի ծրագրաւորման խումբի ղեկավար գնդապետ Հանս Լամփալցեր (Աւստրիա)։
Դիտարկումն անցած է ըստ նախատեսուած ժամանակացոյցին, կրակի դադրեցման ռեժիմի խախտումներ չեն արձանագրուած: Դիտարկման առաքելութեան արցախեան կողմէն ուղեկցած են Արցախի Հանրապետութեան Արտաքին Գործոց նախարարութեան եւ Պաշտպանութեան նախարարութեան ներկայացուցիչները:

Լրահոս

Ամենաընթերցվածը

Նմանատիպ նորություններ