Երբ մնացած բոլոր իրավունքները բռնադատված են, ապստամբության իրավունքը դառնում է անվիճելի:
Փեյն

Ջրառատի մէջ կրակոցներ արձակելու կասկածանքով բերման ենթարկուած է 35-ամեայ քաղաքացի

am
Jrarhati mej krakots`ner ardzakelow kaskatsank`ov berman ent`arkowats e 35-ameay k`aghak`ats`i_17130

Արմաւիր մարզի Ջրառատ գիւղին մէջ գրանցուած միջադէպի մասնակիցներէն մէկը բերման ենթարկուած է:

«Tert.am»ի հետ զրոյցի ընթացքին Ոստիկանութեան լրատուական բաժինէն յայտնած են, որ Վաղարշապատի բաժին բերուած է 1982 թուականին ծնած Տ. Սարգսեան՝ Արագածոտն մարզի Ջրառատ գիւղէն։

Յիշեցնենք, որ այսօր Ջրառատ գիւղին մէջ միջադէպ  գրանցուած է: Աւելի շուտ Ոստիկանութենէն յայտնած էին, որ վիճաբանութիւնը սկսած է դպրոցի երեխաներուն միջեւ, որուն միջամտած են մեծահասակները: Վէճի մասնակիցներէն մէկուն մօտ յայտնաբերուած է ինքնաձիգ, իսկ մասնակիցները փորձած են ինքնաձիգը վերցնել իրմէ: Ըստ նախնական տեղեկութիւններուն, սկսած է քաշքշոց, որուն ընթացքին կրակոց արձակուած է: Երեք հոգի մարմնական վնասուածք  ստացած է, մէկ հոգի՝ ոտքի հրազինային վնասուածք, մէկ հոգի կտրող-ծակող գործիքով  վնասուածք ստացած է, մէկ հոգի ալ ունի ձեռքի կոտրուածք: Երեք քաղաքացիները տեղափոխուած են հիւանդանոց:

Քիչ առաջ Քննչական կոմիտէի նախագահի խորհրդական Սոնա Տռուզեան գրառում կատարած էր, որ Ջրառատ գիւղին մէջ այսօր տեղի ունեցած միջադէպին առթիւ հարուցուած է քրէական գործ, ՀՀ քրէական օրէնսգիրքի 3 յօդուածներով՝ 112-րդ, 258-րդ եւ 235-րդ յօդուածներու յատկանիշներով։ 

«Tert.am»ի հետ զրոյցի ընթացքին «Էրեբունի» ԲԿ տնօրէն Միքայէլ Մանուկեան յայտնած է, որ Արմաւիր մարզի Ջրառատ գիւղին մէջ այսօր տեղի ունեցած զինուած միջադէպէն տուժած երեք քաղաքացիներու վիճակը բաւարար է, անոնց կեանքին վտանգ չի սպառնար։

Լրահոս

Նմանատիպ նորություններ