Ազգ, որ ապրելու մտադրությամբ մեռել է հաճախ, սակայն մեռնելու մտադրությամբ չի ապրել երբեք:

Պարույր Սևակը հայ ազգի մասին

Մինսկի խումբն ակնարկեց՝ բանակցային գործընթացում փոփոխություններ չեն լինի. քաղտեխնոլոգ

am ru
Minski khowmbn aknarkets`, banakts`ayin gortsent`ats`owm p`op`okhowt`yownner ch`en lini. k`aghtekhnolog _80403

Հեղինակ՝ Գոհար Ավետիսյան

ԵԱՀԿ Մինսկի խմբի տարբեր վեկտորները՝ թե՛ ռուսական կողմը, թե՛ արևմտյան կողմը ֆիքսեցին, որ որևէ փոփոխություն չի լինելու Ղարբաղյան խնդրի շուրջ բանակցային գործընթացում, քանի որ արված է երկար տարիների աշխատանք: Այս մասին լրագրողների հետ հանդիպմանը նշեց քաղտեխնոլոգ Կարեն Քոչարյանը:

«Այն բանից հետո, երբ վարչապետ Նիկոլ Փաշինյանը հայտարարեց, որ Արցախը ևս պետք է դառնա բանակցող կողմ և նստի բանակցային սեղանին, Մինսկի խմբի համանախագահողները տարբեր մակարդակներով հասկացրեին, որ բանակցային գործընթացը անընդհատ է: Այլ հարց է, թե տարբեր փուլերում ի՞նչ ակտիվություն կամ պասսիվություն է նկատվում:

Մինսկի խումբը ենթադրում էր, որ բանակցությունները պետք է ակտիվանան այն բանից հետո, երբ Հայաստանում վարչապետ ընտրվեր Սերժ Սարգսյանը, իսկ Ալիևն էլ 6 ամիս շուտ կազմակերպեց ընտրությունները և վերընտրվեց:  Այսինքն, երկու բանակցող կողմերը, ովքեր  10 տարի շարունակաբար բանակցել էին, ստանալով նոր հետընտրական լեգիտիմություն՝ պետք է նստեին բանակցային սեղանին: Սակայն Հայաստանում տեղի ունեցավ հեղափոխություն, և վարչապետ դարձավ Նիկոլ Փաշինյանը: Այսինքն՝ բոլորովին նոր անձ հայտնվեց բանակցային գործընթացում, իսկ Արևմուտքը չի սիրում վայրիվերումներ»,- նշեց բանախոսը:

 Ըստ Կարեն Քոչարյանի՝ այդ հանգամանքներից է բխում այն, որ այժմ բանակցային գործընթացը, կարծես թե, անդրկուլիսային հատված է տեղափոխվել: «Մակրոնը հանդիպեց Փաշինյանի հետ, ապա Ալիևի, ռուսական կողմը ևս պետք է հանդիպի երկու կողմերի հետ, ամերիկյանը՝՝ նույնպես: Այսինք, ԵԱՀԿ Մինսկի խումբն էլ պետք է ինչ-որ «ռեսթարթ» անի, որովհետև բանակցային գործընթացում կա նոր խաղացող»,- նշեց քաղտեխնոլոգը:

Լրահոս

Ամենաընթերցվածը

Նմանատիպ նորություններ