Իր ցեղային պատկերն էլ տարօրինակ է. թվով ամենափոքրը` տառապանքով ամենամեծը, ժամանակով ամենահինը` վիճակով ամենից անփոփոխը, անփոփոխը, անփոփոխը… Ամենից աննպաստը իր երկրի դիրքն էր, ամենից համառ ու ամուր կառչեց իր երկրից:

Դերենիկ Դեմիրճյան– Հայը (հատված)

Թրքական դատարանը բեկանած է Ս. Կիրակոս եկեղեցւոյ պետականացման որոշումը

am
T`rk`akan datarane bekanats e S. Kirakos ekeghets`woy petakanats`man oroshowme_47026

Թուրքիոյ Գերագոյն վարչական դատարանը բեկանած է Տիարպեքիրի հայկական Սուրբ Կիրակոս եկեղեցւոյ պետականացման որոշումը։ Տիարպեքիրի մէջ Քիւրտերու հետ բախումներէն ետք՝ Թուրքիոյ կառավարութիւնը 2016 Մարտ 21-ին որոշած էր պետականացնել Տիարպեքիրի Սուր շրջանի մէկ հատուածը, ուր կը գտնուէին հայկական Սուրբ Կիրակոս, քաղդէական Սուրբ Սարգիս, հայկական կաթոլիկ, ասորական Սուրբ Աստուածածին եւ բողոքական եկեղեցիները: Սուրբ Կիրակոս եկեղեցւոյ հիմնադրամը Գերագոյն վարչական դատարանին մէջ բողոքած էր նախարարներու խորհուրդի որոշումին դէմ: Դատարանն ալ կառավարութեան որոշումը չեղեալ նկատելու վճիռ կայացուցած է` յղում ընելով սեփականութեան իրաւունքի պաշտպանութեան գործերով Սահմանադրական դատարանի եւ Մարդկային իրաւանց եւրոպական ատեանի (ՄԻԵԱ) կայացուցած վճիռներուն: Դատարանը գործի քննութեան ընթացքին հարցադիմում ուղարկած էր Թուրքիոյ շրջակայ միջավայրի եւ քաղաքաշինութեան նախարարութիւն` պահանջելով տեղեկութիւն տրամադրել եկեղեցւոյ պետականացման պատճառներուն, յետագայ շահագործման նպատակներուն մասին: Սակայն նախարարութիւնը որեւէ կերպ չէ արձագանգած դատարանի դիմումին: Սուրբ Կիրակոսը թուրք-քրտական բախումներու ընթացքին մեծ վնաս կրած էր եւ 2015 թուականէն ի վեր փակ է: Եկեղեցւոյ տարածք մուտքը արգիլուած է, քանի որ ան կը գտնուի ապա հովութեան ուժերու հսկողութեան տակ:

Աղբիւրը՝ Նոր Յառաջ

Լրահոս

Ամենաընթերցվածը

Նմանատիպ նորություններ