Բարու ճանապարհի սկիզբը արդարություն գործելն է

ԱՌԱԿԱՑ

Յանուն Խաչին

am
Yanown Khach`in_22010

Քրիստոնէական տօնացոյցին մէջ կարեւոր տեղ կը գրաւէ խաչի տօնը ՝ խաչվերացը:

Խաչ, պսակ խաչով, խաչին համար, սուրբ խաչով, յանուն սուրբ խաչի, խաչին վրայ:

 

 

Մեր հաւաքական յիշողութեան եւ ազգային աւանդներուն մէջ իրենց դրոշմը դրած այս բառերը կը խօսին Յիսուս Քրոստոսի մահուան դէմ տարած յաղթանակին եւ համայն մարդկութեան փրկութեան մասին:

Մեզի համար ամէնէն խորքային, ամէնէն բովանդակալից եւ ամէնէն վախճանական դրոյթը մեռելներուն յարութիւն առնելն է, ի վերջոյ յաւիտենական կեանքի պարգեւը, որ մեզի որպէս խոստում տրուեցաւ խաչին վրայ իր երկրային կեանքը աւարտող փրկիչ Յիսուս Քրիստոսին կողմէ:

 

Խաչն այդ օրէն դարձաւ քրիստոնեայ աշխարհի ամէնէն վաւերական խորհրդանիշներէն մին:

 

 

Խաչով հալածանքէ- հալածանք տատանուող քրստոնեաները զիրար ճանչցան: Խաչին ուժով է նաեւ, որ սուրբ գրքի խորհուրդներն ու Աստծոյ բանը տարածուեցաւ աշխարհով մէկ:

Խաչը դարձաւ մահուան դէմ յաղթանակն տարած Քրիստոսի խորհրդանիշը ու անոր մէջ ամփոփուեցաւ բոլոր քրիստոնեաներուն իրական յոյսը:

 

Հայերուս համար ալ խաչը , իր իւրայատուկ տեղն ունի:

Մեր երկնասլաց գմբէթներուն ու առ Աստուած բարձրացող աղօթքներուն ու մաղթանքներուն մէջ եւս խաչը կը հանդիսանայ տիրական ներկայութիւն:

Քարին վրայ խաչ կերտող մեր նախնիները, չմոռցան յանուն խաչի ու Սուրբ խաչով պատերազմ մղելու վարոյթը:

Ժայռերուն մէջէն, ու լեռներու ամէնէն անառիկ դիրքերուն վրայ խաչը տեսնելու ու անոր յոյսով նորոգուելու ճիգը, դարձաւ իմացական մեր խոստումին վաւերական ներկայութիւնը:

 

Դարձանք խաչին համար կռուող ազգ: Դարձանք մեր հանգուցեալներուն խաղաղութիւն եւ յարութեան յոյս տուող խաչի ժողովուրդ:

Քարէն խաչ կերտեցինք: Ոսկիէն, արծաթէն եւ յարգի մետաղներէն խաչ կերտեցինք ու դրինք մեր կուրծքերուն: Զիրար ճանչցանք այդ խաչով: Իրար հետ եղանք: Միասին աղօթեցինք ու միասին քալեցինք:

Մեր պատմութեան ամէնէն սեւ պահերուն վեր պահեցինք խաչը բոլոր վտանգներէն: Թալանեցին մեզ, հարստահարեցին, դարձուցին անտէր ու գաղթական ու այդ աքսորի ճանապարհներուն վրայ մեր նախնիներըվեր պահեցին խաչն ու աւետարանը:

 

 

Մարտիրոսն էինք խաչի ու անոր խորհուրդով ապրելու յղացքին:

 

Չմեռանք, որովհետեւ խաչի ու յարութեան խորհուրդին հաւատացինք:

 

 

Ու այս բոլորով հանդերձ դարձանք այդ խաչի զինուորներն ու պահապանները:

Մեր պատմութեան ամէնէն ծանր փուլերուն մնացինք հաւատացեալը այդ խաչին: Ու հակառակ մեր աւիւնին մէջ մտնել փորձող շատ մը խեթ ու տատանուած որոմներու պահեցինք հաւատքը, ու չուրացանք այն իմաստութիւնը, որ խաչն էր նաեւ մեր փրկութեան գինը եւ բանալին:

 

Խաչիկ եւ խաչատուր անուններով կնքեցինք մեր որդիներուն անունը եւ մկրտութեան սեղանի ջուրը մաքրեցինք մեր դաարաւոր խաչերու օրհնութեամբ:

Մասունք առ մասունք աղօթեցինք խաչի սիրոյն ու կաթիլ առ կաթիլ երկնեցինք մեր գեղեցիկ ու մաքուր յարութիւնը:

Աղօթեցինք խաչին առջեւ:

Յանուն խաչին ապրեցանք, ու խաչի զօրութեամբ ալ դեռ պիտի քալենք:

Լրահոս

Օրվա թեմաները

Ամենաընթերցվածը

Նմանատիպ նորություններ