ԱԺ նախագահ Արարատ Միրզոյանը Ստեփանակերտում հարգանքի տուրք է մատուցել արցախյան ազատամարտի նահատակների հիշատակին

09/02/2019 | 17:33

aj-naxagah-ararat-mirzoyane-stepanakertoum-harganqi-tourq-e-matoucel-arcaxyan-azatamarti-nahatakneri-hisatakin

Փետրվարի 9-ին մեկնարկել է ՀՀ Ազգային ժողովի նախագահ Արարատ Միրզոյանի աշխատանքային այցը Արցախի Հանրապետություն:

Արցախի Ազգային ժողովում տեղի է ունեցել հայկական երկու հանրապետությունների խորհրդարանների նախագահների հանդիպումը: Արարատ Միրզոյանը եւ Աշոտ Ղուլյանը առանձնազրույցի ընթացքում բարձր են գնահատել այս տարիների ընթացքում երկու խորհրդարանների միջեւ առկա փոխգործակցությունը եւ պատրաստակամություն հայտնել բարձրացնել այն որակական նոր մակարդակի: Քննարկվել են խորհրդարանական դիվանագիտությանը վերաբերող մի շարք հարցեր, կարեւորվել է Հայաստանի ու Արցախի խորհրդարանների հանձնաժողովների մակարդակով շարունակական հանդիպումներն ու համատեղ նիստերը, կողմերը ընդգծել են խորհրդարանների միջեւ փորձի փոխանակման կարեւորությունը, ինչպես նաեւ միջազգային հարթակներում ընդհանուր օրակարգի շուրջ համատեղ աշխատանքը:

Այնուհետեւ հանդիպումն ընթացել է ընդլայնված կազմով` ԱԺ խմբակցությունների եւ հանձնաժողովների ղեկավարների ու պատգամավորների մասնակցությամբ, որի ընթացքում ՀՀ Ազգային Ժողովի նախագահը պատասխանել է Արցախի Ազգային Ժողովի պատգամավորների հարցերին եւ ներկայացրել երկու խորհրդարանների միջեւ համագործակցության իր տեսլականը:

Նշենք, որ սա ԱԺ նախագահի պաշտոնը ստանձնելուց հետո Արարատ Միրզոյանի առաջին այցն է: Այցի ընթացքում խորհրդարանի ղեկավարը այցելել է նաեւ Ստեփանակերտի հուշահամալիր եւ հարգանքի տուրք մատուցել արցախյան ազատամարտի նահատակների եւ Հայրենական մեծ պատերազմի զոհերի հիշատակին, եղել է Քրիստափոր Իվանյանի անվան ռազմական վարժարանում, զրուցել ուսուցիչների եւ սաների հետ:

Լրահոս

Տեսնել ավելին

Ամենաընթերցվածը

18/08/2019 | 23:59
Նշումներ սփիւռքահայ մամուլին մասին
18/08/2019 | 15:37
Հրանտ Մաթևոսյանը՝ Վազգեն Ա Վեհափառի մասին
15/08/2019 | 20:43
Հայերն առաջինն են աշխարհում ստեղծել ծառայություն, որն արհեստական ինտելեկտի միջոցով պատրաստում է վեբ-կայքեր
18/08/2019 | 10:07
Այսօր Վազգեն Առաջին կաթողիկոսի հիշատակի օրն է
15/08/2019 | 11:10
Այսօր հայ ականավոր գրող Վահագն Դավթյանի ծննդյան օրն է

Նմանատիպ նորություններ

Արցախի նախագահը Անջեյ Կասպշիկի հետ քննարկել է շփման գծում տիրող իրավիճակին վերաբերող մի շարք հարցեր

Արցախի ՊԲ հրամանատարն ընդունել է Անջեյ Կասպշիկին

Արցախի ԱԳ նախարարը Անջեյ Կասպշիկի հետ քննարկել է Ադրբեջանում գտնվող ռազմագերու հարցը

Ինչպես և պայմանավորվել էինք՝ Կալավանի Ռոբերտ Ղուկասյանը նշանակվում է ՀՀ վարչապետի խորհրդական. Փաշինյան