Հայրենիք ստեղծելը հերոսություն է, հայրենիք շենացնելը` առաքինություն:
Վազգեն Ա Կաթողիկոս

Ապառազմական փաստաթուղթ է. Բաբաջանյանը՝ կառավարության ծրագրի մասին

am
aparazmakan-pastatouxt-e-babajanyane-karavaroutyan-cragri-masin

Կառավարության ծրագիրն ապառազմական, ապահայեցակարգային փաստաթուղթ է, այն որևէ ստրատեգիական հենք չի պարունակում: Այս մասին այս ԱԺ-ում կառավարության ծրագրի քննարկման ժամանակ «Լուսավոր Հայաստան» կուսակցության պատգամավոր Արման Բաբաջանյանը:

Վերջինս, նախքան կառավարության ծրագրի արտաքին քաղաքականության և պաշտպանության բաժինների մասին խոսելը, որոշ դիտարկումներ ներակայցարեց ԱԺ-ում նախօրեին հնչած ելույթեների վերաբերյալ:

«Ձեր նշանակած ոստիկանապետին դատարանում ասում են լակոտ, ձեզնից և ոչ մեկը նրան չի պաշտպանում, համարձակություն չի ունենում նրան զորավիգ լինել: Երեկ էլ արդեն պաշտպանության նախարարին էին հաթաթա տալիս: Մինչև ե՞րբ: Ի՞նչ այգի, ի՞նչ այգեպան, ի՞նչ հիմն, ի՞նչ դրոշ, երբ պետականության համար կենսական այս ինստիտուտները չենք կարողանում միասնաբար պաշտպանել»,- ասաց պատգամավորը:

Ապա պատգամավորը խոսեց բուն նյութի մասին: Վերջինս նշեց, որ անցած 10 ամսիները բավարար էին կառավարության այնպիսի ծրագրի համար, որը կդառնար առաջիկա ոչ միայն 5, այլև 10, 15 տարվա ուղենիշը: Ըստ պատգամավորի՝ այդ փաստաթուղթը ապառազմական, ապահայեցակարգային փաստաթուղթ է, այն որևէ ստրատեգիական հենք չի պարունակում: Ծրագրի մի հատվածից չի բխեցվում մյուսը, ծրագիրը չի ներկայացնում այն առաքելությունը, որ պետք է ստանձնի ՀՀ-ն կարճաժամկետ, միջնաժամկետ և երկարաժամկետ հատվածներում:

«Շատ կցանկանայի այս ծրագրում տեսնել, թե հետհեղափոխական Հայաստանը որպես պետություն, մենք որպես հասարակություն համաշխարհային քաղաքակրթության անվտանգության ո՞ր մասն ենք ապահովելու և ինչպես: Ցավոք, այս ծրագրում ես տեսա արձանագրում այն մասին, որ մենք առաջիկա 5 տարում և գուցե դրանից հետո լինելու ենք ոչ թե համաշխարհային քաղաքակրթության ու անվտանգության մատակարար, այլ, ընդամենը, սովորական սպառող: Իսկ սովորական սպառողները սեփական օրակարգ չեն ունենում, առավել ևս, չեն թելադրում, սպառողներն ածանցվում են այլոց օրակարգերին»,- նշեց Բաբաջանյանը:

Ընդդիմադիր պատգամավորի դիտարկմամբ, կառավարության այս ծրագրով Հայաստանը նախորդ 20 տարիների նման շարունակելու է վարել ինքնամեկուսացվող, միավեկտոր քաղաքականություն: «Հայաստանի նոր իշխանությունը ոչինչ չի ձեռնարկելու ռազմավարական նոր գործընկերներ գտնելու, նոր դաշնակցային հարաբերություններ հաստատելու, երկրի արտաքին քաղաքականությունը դիվերսիֆիկացնելու, դրանով հավասարակշռելու ուղղությամբ:

Այստեղ նկարագրված արտաքին քաղաքական առաջնահերթությունները հանգեցնում են մի շատ վտանգավոր եզրակացության: Մենք մեր արտաքին քաղաքականությունը շարունակելու ենք վարել հաշվի առնելով ոչ թե Հայաստանի և հայության շահը, այլ ելնելով երրորդ երկրի անփոխարինելիության սկզբունքից և նրա առջև ինչ-ինչ պարտավորություններից»,- նկատեց Բաբաջանյանը:

Լրահոս

Ամենաընթերցվածը

Նմանատիպ նորություններ