Հայրենիք ստեղծելը հերոսություն է, հայրենիք շենացնելը` առաքինություն:
Վազգեն Ա Կաթողիկոս

Առաջին դասարանցիների հերթագրման համակարգում տեխնիկական խնդիրներ ունեցած ծնողների դիմումները բավարարվել են

am
arajin-dasarancineri-hertagrman-hamakargoum-texnikakan-xndirner-ounecac-cnoxneri-dimoumnere-bavararvel-en

2019թ. մայիսի 15-ից մեկնարկել է Երևանի պետական հանրակրթական դպրոցներում առաջին դասարանցիների հերթագրման առցանց համակարգը, որը ներդրվել է բոլոր երեխաների համար դպրոցում գրանցելու հավասար մեկնարկային պայմանների  երաշխավորման, կոռուպցիոն ռիսկերի բացառման, որոշ դպրոցների թերբեռնվածության կամ գերբեռնվածության խնդիրները լուծելու նպատակով։ 


Ինչպես տեղեկանում ենք կրթության, գիտության, սպորտի և մշակույթի նախարարությունից, համակարգի գործարկման ժամանակ արձանագրված տեխնիկական խնդիրների հետևանքով հերթագրման դժվարություններ ունեցած ծնողների կողմից ՀՀ ԿԳՄՍ նախարարությունը ստացել էր դիմումներ՝ ընդհանուր հերթագրվածների շուրջ մեկ տոկոսը: Կրթական տեխնոլոգիաների ազգային կենտրոնում (ԿՏԱԿ) մանրամասն ուսումնասիրվել են բոլոր դիմումները,  քանի որ առաջին դասարանցիների հերթագրման առցանց համակարգն արձանագրել է մուտք գործած բոլոր օգտատերերի գործողությունները՝ համակարգ մուտք գործելու օրն ու ժամը և առաջացած խնդիրները։ Բոլոր ծնողները, որոնք համակարգի մեկնարկային փուլում առաջացած տեխնիկական խնդիրների պատճառով ունեցել են գրանցման դժվարություններ, հնարավորություն են ստացել երեխաներին հերթագրել նախընտրած դպրոցում:

Նշենք, որ համակարգը մեկնարկից հետո սկսել է գործել առանց խափանումների, և յուրաքանչյուր ծնող կարողացել է և այժմ էլ կարող է գրանցել երեխային  նախընտրելի դպրոցում, եթե առկա են լիցենզիայով սահմանված ազատ տեղեր։


Առցանց հերթագրման գործընթացը շարունակվում է. գրանցման և հաստատման արդյունքներին կարելի է հետևել ԿԳՄՍ նախարարության և ԿՏԱԿ-ի ֆեյսբուքյան էջերում:

 

 

Լրահոս

Ամենաընթերցվածը

Նմանատիպ նորություններ