Եվրպա լիգայի խմբային փուլի հանդիպումը «Դյուդելանժի» և «Ղարաբաղի» միջև ընդհատվել է։

Առաջին խաղակեսում, երբ ադրբեջանական թիմը հաղթելիս է եղել 2-0 հաշվով, անօդաչու սարքով խաղադաշտ է իջեցվել Արցախի դրոշը, ինչի պատճառով մրցավարն ընդհատել է խաղն ու թիմերին ուղարկել հանդերձարան։ Որոշակի տեխնիկական խնդիրները լուծելուց հետո հանդիպումը վերսկսվել է։

Նշենք, որ ավելի վաղ ՖԱՖ-ն իր ֆեյսբուքյան էջում գրել էր․«ՖԱՖ-ի և Բելգիայի մեր տղերքի կողմից հերթական ակցիան է նախապատրաստվել ադրբեջանական «Քարաբախ»-ի խաղին … Խորհուրդ ենք տալիս հետևել խաղի ընթացքին»։

Սրանից պետք է ենթադրել, որ այս ակցիան հենց ՖԱՖ-ի նախաձեռնությամբ է տեղի ունեցել։

Հավելենք, որ հանդիպումը ավարտվել է «Դյուդելանժի» պարտությամբ՝ 4-1 հաշվով։

Qarabag players attempt to boot the ball at a drone carrying the Armenia flag 🇦🇲

Their match against Dudelange has now been suspended 😳#UEL pic.twitter.com/kPaPAAIPVa

— GiveMeSport Football (@GMS__Football) October 3, 2019