«Մենք ունենք բավականին մտահոգիչ վիճակ»,- այս մասին այսօր Կառավարությունում լրագրողների հետ ճեպազրույցի ժամանակ ասաց ՀՀ կրթության և գիտության նախարար Արայիկ Հարությունյանը՝ պատասխանելով հարցին, թե ի՞նչ գնահատական կտա Կառավարության ծրագրին:

«Վիճակը մտահոգիչ է, բայց այն գործողությունները, որոնք մենք արել ենք վերջին ամիսներին, մասնավորապես՝ բուհ և գիտական կենտրոններ համագործակցության համար: Մասնավորապես, միավորել ենք և նախագիծ ունենք բարձրագույն կրթության և գիտության մասին և շատ խորը համոզվածություն ունենք, որ դա դրական ազդեցություն է ունենալու գիտության ոլորտի վրա»,- նշեց նախարարը:

Ինչ վերաբերում է այն մտահոգությանը, որ ուսուցիչները խոսակցություններ են լսել, հնարավոր է հունվար ամսվա աշխատավարձերը փետրվարի կեսերին կստանան՝ Արայիկ Հարությունյանը նշեց. «Նախարարություն նման բողոք չի եկել, գանձապետական հաշիվների անցման հետ կապված կար խնդիրներ, ես հատուկ երեկ չէ առաջին օրը, մեր ֆինանսական վարչության հետ եմ խոսել, ինձ ասացին, որ բնականոն գնում են, եթե կոնկրետ դպրոցներ գիտեք, խնդրում եմ՝ ասացեք, մենք ուշադրություն կդարձնենք»: