Երբ մնացած բոլոր իրավունքները բռնադատված են, ապստամբության իրավունքը դառնում է անվիճելի:
Փեյն

ԵԱ. Հայաստանի հավաքականի հաղթարշավն ավարտվեց

am es
ea-hayastani-havaqakani-haxtarsavn-avartvec

Վրաստանի Բաթումի քաղաքում ընթացող շախմատի Եվրոպայի թիմային առաջնության չորրորդ տուրում Հայաստանի հավաքականը 2:2 հաշվով է ավարտել Ուկրաինայի դեմ մրցամարտը:

Հայաստանի թիմի կազմում հաղթել է երրորդ խաղատախտակի վրա հանդես եկած Հրանտ Մելքումյանը, իսկ չորրորդ համար Հայկ Մարտիրոսյանը պարտություն է կրել։
Հայաստանի հավաքականի առաջատար Լևոն Արոնյանը և Գաբրիել Սարգսյանը խաղաղ ելքով են ավարտել իրենց պարտիաները:
Նախորդ 3 տուրերում Հայաստանի հավաքականը հաղթել էր Նորվեգիային, Խորվաթիային ու Չեխիային և 7 միավորով բաժանում է 1-4-րդ տեղերը:

Կանանց Հայաստանի հավաքականը ոչ-ոքի է խաղացել Իսպանիայի հետ։ Լիլիթ Մկրտչյանն ու Սիրանուշ Ղուկասյանը ոչ-ոքի են խաղացել, Աննա Սարգսյանը հաղթել է, իսկ Էլինա Դանիելյանը պարտություն է կրել:
Չորրորդ տուրից հետո կանանց Հայաստանի հավաքականը 6 միավորով և բաժանում է 3-8-րդ տեղերը:

Լրահոս

Նմանատիպ նորություններ