Ով պատմություն ունի չի կարող ետ չնայել: Առողջ աչքով ես տեսնում եմ, իսկ կույր աչքով միշտ երազում։
Պարույր Սևակ

Ֆրանկոֆոնիայի միջազգային օրվան նվիրված միջոցառում Վիլնյուսում

am
frankofoniayi-mijazgayin-orvan-nvirvac-mijocaroum-vilnyousoum

Մարտի 20-ին Լիտվայի օրենսդիր մարմնում՝ Սեյմում, տեղի ունեցավ Ֆրանկոֆոնիայի օրվան նվիրված «Ֆրանկոֆոնիան, ժամանակակից աշխարհը և թվային տարածությունը» խորագիրը կրող կոնֆերանսը, որին մասնակցեց և ելույթով հանդես եկավ Լիտվայում ՀՀ դեսպան Տիգրան Մկրտչյանը։

Միջոցառմանը բացման խոսքով հանդես եկավ Լիտվայի Սեյմի պատգամավոր, Ֆրանկոֆոնիայի խորհրդարանական վեհաժողովում Լիտվայի պատվիրակության ղեկավար Արունաս Գելունասը (Arūnas Gelūnas), ով մասնավորապես նշեց, որ չնայած ՖՄԿ-ում Լիտվան ունի դիտորդի կարգավիճակ, այնուամենայնիվ ակտիվորեն մասնակցում է միջոցառումներին և խրախուսում ֆրանկոֆոն արժեքների տարածումն իր երկրում։

Ներկաներին ուղղված իր խոսքում դեսպան Մկրտչյանը նշեց, որ գիտաժողովի թեման պատահական չի ընտրվել, քանզի այսօր Ֆրանկոֆոնիան նաև թվային տարածություն է նորարարությունների և զարգացումների համար։ Անդրադառնալով Հայաստանի՝ որպես Ֆրանկոֆոնիայի ընտանիքի ակտիվ անդամի գործունեությանը կազմակերպությունում, դեսպան Մկրտչյանն ասաց, որ մեր երկիրը բոլոր հնարավոր ուղղություններով տարածում է Ֆրանկոֆոնիան և վերջինիս գաղափարները։

Ներկայացնելով 2018թ․ հոկտեմբերին Երևանում տեղի ունեցած ՖՄԿ 17-րդ գագաթաժողովի արդյունքներն ու ձեռքբերումները՝ Տ․Մկրտչյանը միաժամանակ հայտնեց, որ տեղեկատվական տեխնոլոգիաների ոլորտում զարգացումն ու առաջընթացը ՀՀ կառավարության առաջնահերություններից է, որի իրականացման համար կարևոր դեր է խաղում նաև ՖՄԿ թվային և տնտեսական ռազմավարությունը։

Ելույթներով հանդես եկավ նաև Լիտվայում Ֆրանսիայի դեսպան տիկին Կլեղ Լինիեր-Կունատը, ով ներկայացրեց ֆրանկոֆոնիայի նպատակները՝ համերաշխությունը, ժողովուրդների իրավահավասարութունը, երկխոսությունը, ժողովրդավարությունն ու դրանց խրախուսմանն ուղղված կազմակերպության հանձնառությունները։ Կիբերանվտանգության հարցերով փորձագետ Գայ-Ֆիլիպ Գոլշտայնն անդրադարձ կատարեց ՖՄԿ թվային տարածությունում առկա մարտահրավերներին, սպառնալիքներին և դրանց դիմակայմանն ուղղված միջոցառումներին։

Լրահոս

Ամենաընթերցվածը

Նմանատիպ նորություններ