Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

«Գաղտնիք Ղարաբաղի» պատմական գիրքը լույս է սփռում պատմական կարևոր տեղեկությունների վրա

am es
gaxtniq-xarabaxi-patmakan-girqe-louys-e-sproum-patmakan-kareor-texekoutyounneri-vra

Վերջերս վերահրատարակվեց «Գաղտնիք Ղարաբաղի» պատմական գիրքը: Տեղեկացնենք, որ գիրքն առաջին անգամ տպագրվել է 1886թ.-ին` Սանկտ Պետերբուրգում:

Պատմագրության հեղինակը, ըստ գրքի առաջաբանի հեղինակ և թարգմանիչ, հնագետ, գրող, հոգևորական Մակար Բարխուդարյանցի, Աբրահամ Բեկնազարյանցն է, ում թելադրածը գրի է առել որդին՝ Ապրես Բեկնազարյանցը. նրանք ծնունդով ներկայիս Ասկերանի շրջանի Խնածախ գյուղից են:

Գիրքը լույս է սփռում մեր երկրամասի պատմական կարևոր և հույժ գաղտնի տեղեկությունների վրա:

Արխիվային փաստաթղթերի տեսքով գրքում ներկայացվում են Արցախի հայ մելիքների քաղաքական նկրտումները, տնտեսական կապերը, հայ կաթողիկոսների ու մելիքների ունեցած գաղտնի հարաբերությունները՝ ռուսական կայսրության քաղաքական և զինվորական բարձրաստիճան ներկայացուցիչների հետ, ինչպես նաև, պարսից շահերի և նրանց արքունի կապերին՝ Այսրկովկասի խաների հետ:

Գրքի հեղինակը ներկայացնում է նաև Արցախի մելիքական տոհմերի ծագումնաբանությունը, արձանագրելով, որ Արցախի մելիքական բոլոր հինգ տոհմերը՝ Մելիք-Բեգլարյանները (Գյուլիստան), Մելիք-Իսրայելյանները (Ջրաբերդ), Հասան-Ջալալյանները (Խաչեն), Մելիք-Շահնազարյանները (Վարանդա) և Մելիք-Եգանյանները (Դիզակ) բնիկներ են,:

Լրահոս

Ամենաընթերցվածը

Նմանատիպ նորություններ