Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Գիտական կենտրոն կհիմնենք ու տեղի մասնագետներին կվերապատրաստենք. Գեղամ Գևորգյան

am
gitakan-kentron-khimnenq-ou-texi-masnagetnerin-kverapatrastenq-gexam-georgyan

ՀՀ գյուղատնտեսության նախարարությունը Հայաստանի ազգային ագրարային համալսարանի հետ միասին 5-7 մլն դոլարի դրամաշնորհային ծրագիր է իրականացնում. լրագրողների հետ զրույցում այս մասին ասաց ՀՀ գյուղատնտեսության նախարարի պաշտոնակատար Գեղամ Գևորգյանը:

«Նախարարությունն ակտիվորեն աշխատում է Հայաստանի ազգային ագրարային համալսարանի հետ, 5-7 մլն դոլարի դրամաշնորհային ծրագիր է իրականացվում, որի շրջանակում գիտական կենտրոն կհիմնվի, որպեսզի տեղի մասնագետները կարողանան վերապատրաստում անցնել»,- նշեց Գևորգյանը։

Նրա խոսքով՝ ոլորտում բարձրակարգ մասնագետների դեֆիցիտ կա և ծրագրի արդյունքները տեսանելի կլինեն 5-6 տարի հետո:

ՀՀ կրթության և գիտության նախարարության հետ համատեղ Ապարանում նախատեսվում է անասնապահական քոլեջ հիմնել, որը հագեցած կլինի լավագույն տեխնոլոգիաներով։

«Քոլեջի միջոցով կապահովվի բարձրագույն կրթությունը, ինչպես նաև կարճաժամկետ դասընթացներ կիրականացվեն, ինչի միջոցով կվերապատրաստվեն և՛ մասնագետները, և՛ ֆերմերները»,- ասաց ՀՀ ԳՆ պաշտոնակատարը:

Եզրափակելով խոսքը՝ Գևորգյանն ընդգծեց, որ պետք է որակյալ մասնագետներ պատրաստել, շարժվել ժամանակին համահունչ և մեծ թափով զարկ տալ կրթական համակարգերի տրանսֆորմացմանը:

Լրահոս

Ամենաընթերցվածը

Նմանատիպ նորություններ