Կարծում եմ՝ աստիճանաբար, մարդու բանականության ուժը կհզորանա: Այդ դեպքում կարևոր կդառնա, թե մարդկությունն ինչպես կվերաբերվի այլ քաղաքակրթությունների հետ, որոնք, անպայման գոյություն ունեն տիեզերքում:
Վիկտոր Համբարձումյան

Վրաստանի ՆԳ նախարար Գիորգի Գախարիան առաջադրվեց որպես վարչապետի թեկնածու

am en ru
glavu-mvd-gruzii-vidvinuli-na-post-premyer-ministra

Քիչ առաջ իշխող «Վրացական երազանք» կուսակցության կենտրոնական գրասենյակում ավարտվեց քաղխորհդի նիստը, որի գլխավոր քննարկման թեման Վրաստանի նոր վարչապետի թեկնածուի ընտրությունն էր:

Կուսակցության հիմնադիր և ղեկավար Բիձինա Իվանիշվիլին ներկայացրեց նոր թեկնածուին՝ Վրաստանի ներքին գործերի նախարար Գիորգի Գախարիային: Իվանիշվիլիի խոսքով, վրաց հասարակությունը շատ լավ է ճանաչում Գախարիային և նա կարդարացնի հույսերը:

Գիորգի Գախարիան 2013 թվականից աշխատում էր, որպես բիզնեսօմբուդսման, ապա էկոնոմիկայի նախարար: 2017 թվականի նոյեմբերից Գախարիան նշանակվեց ՆԳ նախարար:

Գիորգի Գախարիան վերջին ամիսների ընթացքում ամենաքննադատված քաղաքական դեմքերից է Վրաստանում: 2019 թվականի հունիսին ակցիան ցրելու պատճառով, որի հետևանքով տասնյակ մարդիկ վիրավորվեցին, հասարակության մի մասն առ այսօր պահանջում է նրա հրաժարականը:

Հիշեցնենք, որ երեկ հրաժարական տվեց շուրջ մեկ տարի վարչապետի պաշտոնը զբաղեցնող Մամուկա Բախտաձեն։

 

Լրահոս

Ամենաընթերցվածը

Նմանատիպ նորություններ