Սիլվա Կապուտիկյան - Դու հեռացար

Բայց ես գիտե'մ, ես գիտե'մ,
Ո'ւր էլ գնաս, ես քեզ հե՜տ եմ, ես կգամ.
Քո հոգու մեջ ես այնքա՜ն շատ կամ արդեն,
Որ էլ այնտեղ ուրիշներին տեղ չկա...

Կարդալ Ամբողջը

Հայ մասնագետների հումանիտար խմբի առաքելությունը Սիրիայում մեր պատմության մեջ բացառիկ կարևորություն ունեցող ծրագրերից է. Արմեն Պետրոսյան

hay-masnagetneri-houmanitar-xmbi-araqeloutyoune-siriayoum-mer-petmoutyan-bacarik-kareoroutyoun-ounecox-cragreric-e-armen-petrosyan

Հայ մասնագետների հումանիտար խմբի առաքելությունը Սիրիայում կարևոր է Հայաստանի միջազգային իմիջի առումով, և, անշուշտ, ժամանակի ընթացքում այս հանգամանքը կարժանանա միջազգային հանրության գնահատանքին: Այս մասին լրագրողների հետ հանդիպման ժամանակ նշեց արաբագետ Արմեն Պետրոսյանը:

«Սա անկախ Հայաստանի պատմության ընթացքում բացառիկ կարևորություն ունեցող ծրագրերից է: Ընդհանուր առմամբ, այս առաքելությունը կարևորելու համար պետք է մի քանի տեսանկյունից հարցը դիտարկել. նախ՝ Հայաստան-Սիրիա պատմական բարեկամական հարաբերությունների տեսանյկունից, իսկ ավելի գլոբալ՝ հայ և սիրիացի ժողովուրդների բարեկամության տեսանկյուից, երկրորդ՝ սիրիահայ համայնքի գոյություն, երրորդ՝ Հայաստանի միջազգային իմիջի և դերակատարության հարցը, որը ևս չափազանց կարևոր է:

Առհասարակ, ես՝ որպես փորձագետ, սա գնահատում եմ ինչպես Սիրիական հակամարտության հարցում Հայաստանի Հանարապետության բավական հավասարակշռված և արդարացված դիրքորոշման որակական նոր փուլ»,- ասաց արաբագետը:

Նրա խոսքով՝ 2011 թվականից, երբ սկիզբ առավ սիրիական հակամարտությունը, ինչպես հասրակության, այնպես էլ Հայաստանի քաղաքական շրջանակների ուշադրությունը բևեռվեց Սիրիայի վրա, որովհետև այն կարևոր երկիր է Հայաստանի համար. «Սիրիան Արաբական աշխարհում մեր կարևոր գործընկերն է, և մենք չպետք է երբևէ մոռանանք, որ ժամանակին սիրիացի ժողովուրդն իր աջակցության ձեռքն է մեկնել ողբերգական իրադարձություններ ապրած մեր ժողովրդին»:

Գնահատելով 2011-18 թվականնների ընթացքում սիրիական հարցի վերաբերյալ Հայաստանի Հանրապետության դիրքորոշումը՝ Արմեն Պետրոսյանը նկատեց, որ եթե իրավական ձևակերպում տանք դրան, այն դրական չեզոքության էր ենթադրում: «Մենք պահպանում էինք հիմնականում շփումը սիրիական կառավարության հետ, որովհետև առաջին հերթին հենց սիրական կառավարության վերահսկողության ներքո գտնող շրջաններում է տեղակայված եղել սիրիհայ համայնքը: Անշուշտ, պետք է նշել նաև, որ եթե գնահատում ենք հավասարակշռված դիրքորոշումը՝ եղել են նաև անվտանգության ծառայությունների մակարդակով շփումների մեխանիզմներ ընդդիմադիր տարբեր շրջանակների հետ՝ անհրաժեշտության դեպքում նաև նրանց հետ կապված խնդիրները լուծելու տեսնակյունից»,- նշեց փորձագետը:

Հայ մասնագետների հումանիտար խմբի առաքելությունը Սիրիայում Արմեն Պետրոսյանը կարևորեց նաև մարդասիրական տեսանկյունից: Ըստ նրա՝ այսօր ապրում ենք մի ժամանակաշրջանում, երբ մարդկությունը բավական լուրջ հումանիտար աղետների առջև է կանգնած, և հումանիտար կառույցներն էլ ռեսուրսների լուրջ խնդիրներ ունեն: Հայաստանը, ստանձնելով հումանիտար գործառույթ, կարևոր նշաձող է սահմանում իր համար:

Անդրադառնալով առաքելության իրականացման հետ կապված խնդիրներին՝ արաբագետը նկատեց, որ առավել անհանգստացնող է մեր մասնագետների անվտանգության հարցը. «Ի վերջո այդ հակամարտությունը դեռ չի հանգուցալուծվել, և դեռևս կա ահաբեկչական որոշակի վտանգ: Բայց հաշվի առնելով այն, որ նախաձեռնության մասին հայտարարվեց սրանից մոտ կես տարի առաջ և կես տարի ձգձգվեց առաքելության իրականացումը, կարելի է ենթադրել, որ դա պայմանավորված էր անվտանգության երաշխիքերի ձեռքբերման հանգամանքով: Կարծում եմ՝ մենք ստացել ենք անվտանգության երաշխիքներ»:

Արմեն Պետրոսյանը նաև փաստեց, որ այն շրջանը, որտեղ գործուղվել են մեր մասնագետները, էականորեն անվտանգ շրջան է: 2017-19 թվականների ընթացքում որոշակի պատկեր է փոխվել Սիրիայի տարածքում, այսինքն, Սիրիան բաժանվել է ազդեցության գոտիների, և այս նոր շրջափուլը, կարծես թե, կասկածի տակ չի դնում այն իրողությունը, որ Բաշար Ասադի վարչակարգը հաղթող կողմ է դուրս գալու. «Կարծում եմ՝ նաև սրանով է պայմանավորված մեր դիրքորոշման փոփոխությունն այս ընթացքում»:

Լրահոս

Ամենաընթերցվածը

Նմանատիպ նորություններ