Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Հայ սամբիստները 16 մեդալ են նվաճել Եվրոպայի առաջնությունում

am
hay-sambistnere-16-medal-en-nvajel-evropayi-arajnoutyounoum

Ապրիլի 12-ից 14-ը Կիպրոսի Լիմասոլ քաղաքի Spyros Kyprianou Sports Center Limassol Polemidia մարզապալատում անցկացվեցին սամբոյի Եվրոպայի պատանեկան ու երիտասարդական առաջնությունները, մասնակցությամբ 1998-2001թթ ծնված ավելի քան 260 մարզիկ-մարզուհիների՝ Ադրբեջանից, Բելոռուսից, Բուլղարիայից, Գերմանիայից, Էստոնիայից Իռլանդիայից, Իսրայելից, Լատվիայից, Լեհաստանից, Լիտվայից, Կիպրոսից, Հայաստանից, Հունաստանից, Մակեդոնիայից,Մոլդովայից, Նիդերլանդներից, Ռումինիայից, Ռուսաստանից, Վրաստանից, Ուկրաինայից, Ֆրանսիայից:

Մեր երկիրը Եվրոպայի առաջնությունում ներկայացրեց 22 մարզիկ:Նրանցից 16-ն արժանացան մեդալների, հայտնում է Հայաստանի սամբոյի ֆեդերացիայի մամուլի քարտուղարությունը:

Պատանիներ առաջնության հաղթողներ դարձան և ոսկե մեդալներ նվաճեցին Դավիթ Հովսեփյանը /52կգ/ և Արսեն Կարապետյանը /75կգ/

արծաթե մեդալների արժանացան Գևորգ Վարդանյանը /48կգ/ և Մամիկոն Ավետիսյանը /81կգ/

բրոնզե մեդալների՝ Երվանդ Ներսիսյանը /56կգ/, Արամ Աղաջանյանը /60կգ/, Դավիթ Հարությունյանը /+87կգ/ և աղջնակներից՝ Սյուզաննա Կիրակոսյանը /44կգ/:

Այս արդյունքներով մեր պատանեկան հավաքականը գրավեց պատվավոր 2-րդ տեղը:

Երիտասարդների առաջնությունում արծաթե մեդալներ ստացան Կարեն Սարգսյանը /52կգ/, Դավիթ Իսրայելյանը /57կգ/, աղջիկներից՝ Վարսիկ Գրիգորյանը /56կգ/, բրոնզե մեդալներ՝ Վահան Շահբազյանը /48կգ/, Նարեկ Դալլաքյանը /62կգ/, Բորիս Շատվերյանը /74կգ/, Արման Ավանեսյանը /90կգ/, և աղջիկներից՝ Մելինե Մամիկոնյանը /48կգ/:

Մրցավայր էին մեկնել նաև մարզիչներ Վովիկ Խոջայանը, Էռնեստ Միրզոյանը, Հայկ Ավետիսյանը, պատվիրակության ղեկավարն է Հայաստանի սամբոյի ֆեդերացիայի նախագահ Միքայել Հայրապետյանը:

Մեր թիմը հայրենիք կվերադառնա ապրիլի 16-ին առավոտյան 05:20-ին Մոսկվա-Երևան չվերթով:

Լրահոս

Ամենաընթերցվածը

Նմանատիպ նորություններ