Միայն աղեկ գրված գիրքերը չեն, որ կը մնան, այլ մանավանդ անոնք, որոնք ժողովրդի սրտին մոտիկ կը խոսին:
Երվանդ Օտյան

Հայաստանը ստացավ դիտորդի կարգավիճակ Խաղաղօվկիանոսյան դաշինքում

am en ru
hayastane-stacav-ditordi-kargavijak-xaxaxovkianosyan-dasinqoum

Հուլիսի 1-6-ը Պերուի մայրաքաղաք Լիմայում կայացավ Խաղաղօվկիանոսյան դաշինքի 14-րդ գագաթաժողովը, որի ընթացքում Հայաստանը ստացավ այդ կառույցում դիտորդի կարգավիճակ (Դաշինքում դիտորդի կարգավիճակ ունեն 59 պետություն)։
 
Խաղաղօվկիանոսյան դաշինքը հիմնադրվել է 2011 թվականի ապրիլի 28-ին Չիլիի, Կոլումբիայի, Մեքսիկայի և Պերուի կողմից, վերջինիս նախկին նախագահ Ալան Գարսիա Պերեսի նախաձեռնությամբ՝ նպատակ ունենալով տարածաշրջանում առավել զարգացնել պետությունների միջև համագործակցությունը:
 
Դաշինքի հիմնական նպատակներն են. համաձայնեցնել անդամ պետությունների միջև խորը ինտեգրման քայլերը, նպաստել տնտեսությունների հետագա աճին և մրցունակությանը` միտված բարեկեցությանը, սոցիալ-տնտեսական անհավասարության հաղթահարմանը, Ասիա-Խաղաղօվկիանոսյան տարածաշրջանային համագործակցությամբ ստեղծել աշխարհաքաղաքական մակարդակում այլ տարածաշրջանների, միջազգային կազմակերպությունների և առանձին պետությունների հետ քաղաքական երկխոսության, տնտեսության և առևտրի ինտեգրման նոր և արդյունավետ հարթակ, աջակցել միջմշակութային երկխոսությանը, մշակույթի և տուրիզմի զարգացմանը:

Լրահոս

Ամենաընթերցվածը

Նմանատիպ նորություններ