Բաղձանքս է ապագայի մարդերուն նվիրել այնպիսի հզոր երգ մը, որ հայրենիքը ինձի պես արարած մը ծնած ըլլալու գոնե չզղջա:
Դանիել Վարուժան

Հայկական խոհանոց. Բաստուրման կամ Չորմիս

am en es ru
haykakan-xohanoc-bastourman-kam-cormis

Բաստուրման կամ Չորմիսը հայկական տոնական անբաժան մասն է: Այն հատուկ եղանակով մշակված և չորացրած միս է՝ պատված համեմունքների շերտով:

Պատրաստման եղանակը

Տավարի սուկին և մեջքամասի փափուկ միսն անհրաժեշտ է լվանալ, բաժանել մոտավորապես 30 սմ երկարության, 12 սմ լայնության և 6 սմ հաստության կտորների, դնել ամանի մեջ ու վրան ցանել աղի ու բորակի խառնուրդ: Զանգվածը պետք է ծածկել՝ թողնելով 2 օր, որից հետո միսը շրջում են և դարձյալ պահում 2 օր։

Այնուհետև անհրաժեշտ է միսը սառը ջրով թեթևակի լվանալ, ցամաքեցնել և դնել սեղանին փռած շորի վրա՝ շորի եզրերը ձգելով ու միացնելով այնպես, որ միսը մնա շորի երկու շերտերի արանքում: Շորի վրա դնել տախտակ, վրան՝ որևէ ծանրություն։ 5 ժամ հետո շորը փոխել և թողնել ևս 12 ժամ։

Դրանից հետո մսի կտորները լարանով ամուր կապել և կախել ստվերում՝ թողնելով 12 ժամ չորանա։

Համեմելու համար՝

Չամանի սերմերը լվանալ ու ծեծել, խառնել ծեծած սխտորի, աղացած կարմիր պղպեղի հետ, ավելացնել այնքան ջուր, որ ստացվի նոսր թթվասերի թանձրության զանգված։

Այնուհետև Մսի կտորները պատել ստացված խառնուրդով, շարել ամանի մեջ և պահել 4 օր, որից հետո նշված գործողությունը կրկնել երեք անգամ՝ 3-4 օր ընդմիջումով։

10-12 օր հետո միսն ամանից հանել, կախել ստվերում և պահել տասը օր չորանալու։

Լրահոս

Ամենաընթերցվածը

Նմանատիպ նորություններ