Բաղադրիչներ

ձու - 3 հատ,

սոդա - 1/4 թ․գ․,

օղի - 2 թ․գ․,

աղ - մի պտղունց,

ալյուր՝ ինչքան վերցնի,

հալած յուղ - 1 բաժակ,

մեղր - 200 գրամ,

շաքարավազ - 0,5 բաժակ

Պատրաստման եղանակը

Խմորը պատրաստելու համար ձուն հարել մինչև փրփրելը, ավելացնել սոդան, օղին, աղը, ալյուրը և պատրաստել պինդ խմոր։ Խմորը բաժանել 3 գնդի և առանձին-առանձին բացել 1-2 սմ լայնությամբ երկար շերտորի։ Կտրատել, թողնել հանգըստանա, այնուհետև կտրատել մակարոնի հաստությամբ շերտիկների։ Հալած յուղը լցնել ալյումինե թասի մեջ և եռացնել։ Մակարոնանման խմորները լցնել եռացող յուղի մեջ և հանել , դնել քամիչի վրա , որպեսզի ավելորդ յուղը քամվի։ Մեղրը հալել շաքարավազի հետ, մեկ կաթիլ գցել սառը ջրի մեջ, եթե մոմպասի ամրություն ստանա, ուրեմն պատրաստ է։ Մեղրը լցնել ձողիկների վրա և խառնել, այնուհետև լցնել հարթ փայտե տախտակի վրա և ձեռքերով տափակեցնելով հարթեցնել, երբ սառչի, կտրատել փախլավաձև։