ՀՀ-ի ու ՌԴ-ի միջև ստորագրվել է զբոսաշրջության ոլորտում համատեղ գործողությունների ծրագիր

am en ru
hh-i-ou-rd-i-mije-storagrvel-e-zbosasrjoutyan-olortoum-hamatex-gorcoxoutyounneri-cragir

Մոսկվայում կայացած Հայ-ռուսական տնտեսական համագործակցության միջկառավարական հանձնաժողովի նիստի շրջանակներում ապրիլի 4-ին ստորագրվել է «ՀՀ ՏԶՆՆ զբոսաշրջության կոմիտեի և Զբոսաշրջության դաշնային գործակալության (ՌԴ) միջև 2019-2021թթհամատեղ գործողությունների ծրագիրը»: Ինչպես հայտնում են ՀՀ տնտեսական զարգացման և ներդրումների նախարարության տեղեկատվության և հասարակայնության հետ կապերի վարչությունից, փաստաթուղթը ստորագրել են ՀՀ տնտեսական զարգացման և ներդրումների նախարարի տեղակալ Ալբերտ Բաբայանը և Ռուսաստանի Զբոսաշրջության դաշնային գործակալության ղեկավարի տեղակալ Ալեքսեյ Կոնյուշկովը։

Ծրագիրը միտված է ամրապնդել բարեկամական կապերը երկու պետությունների ժողովուրդների միջև և նպաստել երկու երկրների տնտեսական զարգացմանը և զբոսաշրջային ներուժի աճին։ 2019-2021թթ համատեղ գործողությունների ծրագրի նպատակներից է Հայաստանի և Ռուսաստանի միջև զբոսաշրջային հոսքերի ավելացումը, ինչպես նաև Հայաստանի Հանրապետության և Ռուսաստանի Դաշնության միջև զբոսաշրջային փոխայցելությունների հետ կապված ընթացակարգերի դյուրացումը, հայաստանյան և ռուսաստանյան զբոսաշրջային կազմակերպությունների միջև կապերի հաստատումը: Նախատեսվում է զբոսաշրջության ոլորտում մասնագիտացված փորձագետների և լրագրողների, ինչպես նաև կադրերի պատրաստման բնագավառում տեղեկատվության և փորձագետների փոխանակում, կրթական հաստատությունների միջև համագործակցության զարգացում և համատեղ կրթական ծրագրերի իրականացում, ներդրումներ իրականացնող հայաստանյան և ռուսաստանյան զբոսաշրջային կազմակերպությունների միջև համագործակցության զարգացում:

Միաժամանակ, հաշվի առնելով Հայաստանի առողջարանային և վերականգնողական ծառայություններ մատուցող առողջարանների և հյուրանոցների մեծ ներուժը և ցանկանալով նպաստել առողջարանային զբոսաշրջության զարգացմանն ու առողջարանների որակի բարձրացմանը՝ միջկառավարական հանձնաժողովի նիստի շրջանակներում պայմանավորվածություն է ձեռք բերվել ռուսական կողմին տրամադրել ամփոփ տեղեկատվություն Հայաստանի առողջարանային-վերականգնողական կազմակերպությունների վերաբերյալ։

Լրահոս

Ամենաընթերցվածը

Նմանատիպ նորություններ