Միայն աղեկ գրված գիրքերը չեն, որ կը մնան, այլ մանավանդ անոնք, որոնք ժողովրդի սրտին մոտիկ կը խոսին:
Երվանդ Օտյան

Պանծալի երեկոյ Կոմիտաս Վարդապետին նուիրուած - Komitás|150

am es
imponente-homenaje-komitas-150--en-buenos-aires

Buenos Aires.ի «CCK» կեդրոնական եւ արդիական համերգասրահում, Կոմիտաս Վարդապետին նուիրուած, եւ Հայկական Բարեգործական Ընդհանուր Միութեան կողմէ կազմակերպուած, Օգոստոսի 30.ին համերգ տեղի ունեցաւ:

Դահլիճը լիք էր հայ եւ ոչ հայ երաժշտասէրներով. հոգիները պատրաստ՝ գրկաբաց ընդունելու հայկական կենսարար հովերը, այս հեռաւոր ափերուն, բարձր եւ ուշադիր տրամադրութեամբ:  

Դաշնակահարուհի Մարիաննա Աբրահամյանը, Հայաստանէն հրաւիրուած, նուագեց վեց պարեր. Երանգի, Ուլաբի, Մարալի, Շուշիկի, Հետ ու առաջ եւ Շորոր: Հայ-արգենդինացի մեցցո-սոպրանո Սոլանժ Մերտինեանը, քաղցր եւ յուզիչ կատարումով, երգեց Շողեր ջան, Օրօր, Ախ Մարալ ջան, եւ Կաքաւիկ: Սամի Մերտինեան, ճանաչուած ջութակահարը, Մարիաննայի հետ միասին, նուագեց Ծիրանի Ծառ եւ Կռունկ: Մենակատարներից էր նաեւ ֆրանսա-ամերիկացի թաւջութակահար Yves Dharamraj, ով նուագեց Չինար ես եւ Դլէ յաման: Տաղանդաւոր այս չորս երիտասարդ երաժիշտները միասին, հանդիսատեսին պարգէւեցին Ալ այլուղս, Քելեր Ցոլեր եւ Հոյ նազան:

Մաէսդրօ Ալվարօ Յակոբեանը, համերգի արուեստագիտական ղեկավարը, ներկայացուց Մոնթէվիտէոյի իր «Կռունկ» երգչախումբը, որ հանդէս եկաւ շարականի Քրիստոս ի մէջ եւ Մեծացուսցէ, այս վերջինը, արական ձայներով միայն, ինչպէս Հայր Կոմիտասը ստեղծար էր նախնապէս: Յաջորդաբար, քառաձայն երգչախումբը երգեց սիրուն Ալագեազ.ը եւ հզօր Հիմի էլ լռենք:    

Առաջին անգամ ըլլալով, հնչեց Հարաւ Ամերիկայի մէջ «Պանծա' դու հայ Միութիւն» քայլերգը, որը ՀԲԸՄ.ը պատուիրել էր Կոմիտասին: Վարդապետը նամակով խորհուրդ կու տար. «պէտք է կարճ ըլլայ, հակիրճ, ժողովրդական լեզուով եւ մատչելի: Որքան պարզ, այնքան վեհ»: Սակայն, ստեղծագործումը յապաղեց, եւ Բարեգործականի ղեկավարները, ստիպուած, մի ուրիշ քայլերգ ձեռնարկեցին –որը մինչեւ այսօր շրջանառութեան մէջ է-: «Արդարութիւնը այսօր կը կատարուի»,  յաղթականօրէն ըսաւ Մաէսդրօ Յակոբեանը, եւ  երգչախումբը երգեց «Պանծա Հայ Միութիւն», արժանանալով հանդիսատեսին բուռն ծափահարութեանը:   

     

 

ՀԵԸ.ի անդամ, հանդիսավար Ալեքսիս Մուրատեանը, հրաւիրեց Ռուբեն Կետիկեանին, ՀԲԸՄ.ի ատենապետ, եւ Ատոլֆօ Իզմիրլեանին, վարչութեան անդամ, որպէսզի գնահատանքներ յանձնեն երաժիշտներուն եւ CCK.ի ղեկավար Gustavo Muzzi.ին:

Յուզիչ եւ նշանակալի այս հանդիպումը իր աւարտին հասաւ բոլոր արուեստագէսներու մասնակցութեամբ՝ Երեւան բաղ եմ առել եւ Արեւը կայնէ այսօր կատարումով:

Այժմ, կը մնան հրաշալի երեկոյի յուշերը. մեր սիրելի Կոմիտաս Վարդապետի մեղեդիները, մեր հոգիներու մէջ ծուարած:

Լրահոս

Ամենաընթերցվածը

Նմանատիպ նորություններ