Իրանի նախագահ Հասան Ռուհանին Իսրայելն «Իսլամական պետություն» ահաբեկչական խմբի հանցակից է անվանել: Այս հայտարարությունը վերջինս արել է Fox News-ին տված հարցազրույցում:

«Ահաբեկիչները նրանք են, ովքեր աջակցում են ԻՊ-ին: Իսրայելն այն երկիրն է, որը հոգ է տանում ԻՊ-ի վիրավոր զինյալների հանդեպ, նրանց զենք է մատակարարում», - նշել է Իրանի նախագահը:

«Իհարկե, անշուշտ: Իսկ դուք կասկածներ ունեի՞ք»,- ի պատասխան լրագրողի ճշտող հարցի՝ ասել է Ռուհանին: «Եթե ապացույցների կարիք ունեք, ապա այցելեք իսրայելական հիվանդանոցներ և տեսեք ԻՊ-ի վիրավոր զինյալներին, թե ինչպես են նրանց օգնություն ցուցաբերում: Պետք է նայեք ԻՊ-ի զինյալներից առգրավված զենքերին, որոնք արտադրված են Իսրայելում», - ասաց Իրանի նախագահը: