Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Կադրային փոխությունները կատարվեցին ի նպաստ ԶՈւ-ի. Արտակ Դավթյան

am
kadrayin-poxoutyounnere-katarvecin-i-npast-zou-i-artak-davtyan

Արցախի Պաշտպանության բանակում տեղի ունեցած կադրային փոփոխությունների մասին պետք է հարցնել Արցախի Հանրապետության իշխանություններին: Բոլոր փոփոխությունները միտված են ԶՈւ-ում դրական տեղաշարժերի ապահովմանը: Այսօր այս մասին ՀՀ ՊՆ կենտրոնական հավաքակայանում լրագրողների հետ զրույցում ասաց ՀՀ ԶՈւ Գլխավոր շտաբի պետ Արտակ Դավթյանը՝ մեկնաբանելով Արցախի Պաշտպանության բանակում տեղի ունեցած կադրային փոփոխությունները:

Վերջինս ընդգծեց, որ Հայաստանն ու Արցախը ինչպես նախկինում են համագործակցել, այնպես էլ հիմա են շարունակում համագործակցությունը:

Դավթյանը խոսեց նաև անսարքության պատճառով ԶՈւ ավտոպարկից դուրս բերված մեքենաների, ավտոպարկի համալրումների մասին: Այդ կապակցությամբ Գլխավոր շտաբի պետը նշեց, որ վերջին 3-4 տարիների ընթացքում ԶՈւ համալրվել են 2000 ավելի նոր մեքենաներով, այդ գործընթացին զուգընթաց հանվում են անսարք կամ հնացած մեքենաները:

Ըստ Դավթյանի՝ մոտ ժամանակներում նախատեսվում է շարունակել տվյալ գործընթացը: Դավթյանը, սակայն նշեց, որ ոչ ոք չի կարող բացառել, որ զինծառայողներն այլևս չեն հայտնվի անսարք մեքենաների ղեկին, անգամ նոր մեքենաները կարող են վարման ընթացքում անսարք վիճակում հայտնվել:

«Ամեն ինչ անում ենք, որպեսզի երթերի ընթացքում նման տեխնիկա չհայտնվի: Առանձնահատուկ ուշադրություն ենք դարձնում ժամկետային զինծառայողների կողմից վարվող մեքենաներին, դրանք հատուկ վերահսկողության ներքո են: Իհարկե, պայմանագրային զինծառայողների կողմից վարվող մեքենաները ևս անպայման երթից առաջ ստուգվում են: Վերջերս տեղի ունեցած ցավալի միջադեպից հետո առավել խստացվել է վերահսկողությունը»,- ասաց Արտակ Դավթյանը:

Լրահոս

Ամենաընթերցվածը

Նմանատիպ նորություններ