Այս շաբաթ հրապարակվեց կառավարության նոր կառուցվածքը, որտեղ այլևս գոյություն չունեն ոչ միայն Մշակույթի, Սպորտի ու Սփյուռքի նախարարությունները, այլև էներգետիկայի նախարարությունը։ ՀՀ-ի անվտանգության համար գերկարևոր այդ նախարարության լուծարումը, մեղմ ասած, զարմանք առաջացրեց։ Ինչպե՞ս կարելի է Ատոմակայան ունեցող երկրում չունենալ Էներգետիկային նախարարություն:

Այս առնչությամբ ՀԱՅ ՁԱՅՆ-ը հարց ուղղեց ՀՀ ԱԺ տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի նախագահ Վարազդատ Կարապետյանին:

Վերջինիս համոզմամբ նախարարությունների հիմնական գործառույթը քաղաքականություն մշակելն է, որի հիմնա վրա իրականացնող մարմինները կաշխատեն ավելի արդյունավետ ու կկարգավորեն էներգետիկ ոլորտը՝ ավելի արդյունավետ: «Հիմա մենք դրա անունը կդնենք էներգետիկ նախարարություն, թե վարչություն՝ բացարձակ կարևոր չէ: Էականն այն է, թե պրոֆեսիոնալների խումբն ինչպե՞ս է մշակելու քաղաքականությունը: Էական չէ, թե ի՞նչ ենք դնում անունը ու ի՞նչ կարգավիճակ ենք տալիս, էականը թե ի՞նչ քաղաքականություն կմշակենք»:

Մանրամասները՝ տեսանյութում: