Աշխատելու ենք հնարավորություններ ստեղծել «Զվարթնոց» օդանավակայանի հին ուղևորային համակարգը պահպանելու համար: Այս մասին այսօր «Կորպորասիոն Ամերիկա օդանավակայանների ղեկավարության գագաթնաժողովի» ընթացքում լրագրողների հետ զրույցում ասաց Էդուարդո Էռնեկյանի որդին՝ Մարտին Էռնեկյանը:

««Զվարթնոց» օդանավակայանը զարգացնելու պլաններ ունենք, ցանկացնում ենք՝ այն ավելի լայն հնարավորություններ ունենա: Մենք տեղյակ ենք «Զվարթնոց» օդանավակայանի հին ուղևորային համակարգի կարևորության, մշակութայն առանձնահատկությունների մասին, աշխատելու ենք, որպեսզի հնարավորություններ ստեղծվեն այն պահպանելու համար»,- ասաց Էռնեկյանը:

Վերջինս խոսեց նաև «Շիրակ» օդանավակայանի վերանորոգման մասին: Այս առիթով գործարարը նշեց, որ իրենք համագործակցում են «Շիրակ» օդանավակայանի շենքի ճարտարապետների հետ, արդեն գրեթե պատրաստ են նրանց հետ համատեղ սկսել վերանորոգման աշխատանքները:

«Մենք ուրախ ենք, որ Հայաստանում մեծ զարգացումներ են արձանագրվել: Կարծում ենք, որ շարունակելու ենք օժանդակել երկրի տնտեսության:  Օգտվելով առիթից՝ վերանայելու ենք Հայաստանում առկա մեր մյուս նախագծերը և նոր նախագծեր ենք ծրագրելու»,- նկատեղ Էռնեկյանը՝ ընդգծելով, որ  Հայաստանում իրենք մեծ խնդիրների չեն բախվում:

«Մենք շատ երջանիկ ենք, որ նոր կառավարության հետ ամուր հակագործակցություն ունենք:  Նրանց հետ աշխատելու ենք, որպեսզի նոր ներդրումների համար առաջնահերթություններ սահմանենք»,- ասաց Էռնեկյանը: