Բաղձանքս է ապագայի մարդերուն նվիրել այնպիսի հզոր երգ մը, որ հայրենիքը ինձի պես արարած մը ծնած ըլլալու գոնե չզղջա:
Դանիել Վարուժան

Կոչ եմ անում մեր ժողովրդին նախապատվությունը տալ տեղական  արտադրանքին. Նիկոլ Փաշինյան

am
koc-em-anoum-mer-joxovrdin-naxapatvoutyoune-tal-texakan-artadranqin-nikol-pasinyan

Ազգային ժողովի նիստում վարչապետ Նիկոլ Փաշինյանը ներկայացնում է Կառավարության առաջիկա 5 տարիների ծրագիրը:

«Ի՞նչ է ուզում կառավարությունը, ի՞նչ նպատակի է ուզում հասնել առաջիկա 5 տարում: Մեր նպատակը ձևակերպված է ՛ևագրի առաջին նախադասությունում»,-ասաց Փաշինյանը ընթերցելով Ծրագրից հետևյալը.

«Առաջիկա հինգ տարիներին՝ ՀՀ կառավարության գործունեությունը միտված է լինելու Հայաստանի Հանրապետությունում բարձր տեխնոլոգիական, արդյունաբերական, ինչպես նաև, բնապահպանական բարձր չափանիշներին համապատասխանող, արտա­հանմանը միտված մրցունակ և ներառական տնտեսություն կառուցելուն»:

Փաշինյանն ասաց, թե խոսքը վերաբերում է բոլոր տեխնոլոգիաներին՝ տեղեկատվական տեխնոլոգիաներից սկսած մինչև գյողատնտեսական, կրթական, պետական կառավարման, զբոսաշրջության, առողջապահական, բնապահպանական, անվտանգային տեխնոլոգիաներն են ու այսպես շարունակ:

«Նոր Հայաստանի շարժիչ ուժը պետք է լինի առաջին հերթին մարդկային միտքը ինտելեկտը, նախաձեռնությունը»,- հայտարարեց վարչապետը, հավելելով. «Մեր խնդիրը պետք է լինի այն, որ գյուղատնտեսության ոլորտում զբաղված մեր հայրենակիցներն ավելի քիչ ֆիզիկական աշխատանք ու ավելի շատ մտավոր աշխատանք կատարեն»:

Վարչապետն ասաց, թե մեր երկրի տնտեսությունը պետք է լինի արտահանող. «Տնտեության հիմնական ճյուղերի հայացքները պետք է ուղղված լինեն արտաքին աշխարհին, արտաքին շուկաներին, խոսքը վերաբերում է փոքր ու միջին բիզնեսին, որոնց արտահանման հիմնական խողովակը պետք է լինի զբոսաշրջությունը»:

Հույս հայտնեց, որ առաջիկայում Հայաստանը կունենա ծանր արդյունաբերություն, մետալուրգիա:

Կոչ արեց ժողովրդին բոլոր ոլորտներում նախապատվությունը տալ տեղական արտադրանքին:

Լրահոս

Ամենաընթերցվածը

Նմանատիպ նորություններ