Լեգենդար Դիեգո Ֆորլանը ավարտեց կարիերան

am
legendar-diego-forlane-avartec-karieran

Ուրուգվայի ազգային հավաքականի և Մադրիդի «Աթլետիկոյի» նախկին հարձակվող Դիեգո Ֆորլանը հայտարարել է մարզական կարիերան ավարտելու մասին: Այս մասին հայտնում է armsport.am-ը: 

«Շատ բարդ որոշում էր։ Ինչքան էլ որ չէի ցանկանում գա այդ պահը, բայց բոլորս էլ հասկանում ենք, որ դա անխուսափելի է, մի օր ստիպված ես ավարտել պրոֆեսիոնալ կարիերան և դադարել ֆուտբոլ խաղալ։ Վերջերս ես հետաքրքիր առաջարկ ստացա, բայց արդարացում էի փնտրում, որպեսզի չտամ համաձայնությունս։ Տարիների ընթացքում ես ավելի քմահաճ եմ դարձել։

Հիանալի կլիներ կարիերան ավարտել «Պենյարոլում», սակայն դա տեղի չունեցավ և բանակցությունները հաջողությամբ չպսակվեցին», - Դիեգո Ֆորլանի խոսքը մեջբերում է AS-ը։

Ֆորլանի վերջին թիմը Հոնկոնգի «Կիտչի» ակումբն էր, որի կազմում նա վերջին անգամ խաղադաշտ էր դուրս եկել 2018-ի մայիսին:

Լրահոս

Նմանատիպ նորություններ