Երբ մնացած բոլոր իրավունքները բռնադատված են, ապստամբության իրավունքը դառնում է անվիճելի:
Փեյն

Մ-23 ԱԱ․ Ըմբիշները վերջին հավաքն են անցկացնում Բուդապեշտ մեկնելուց առաջ

am
m-23-aa-embisnere-verjin-havaqn-en-anckacnoum-boudapest-meknelouc-araj

Հայ ըմբիշները շարունակում են նախապատրաստվել հոկտեմբերի 28-ից նոյեմբերի 3-ը Հունգարիայի մայրաքաղաք Բուդապեշտում կայանալիք մինչև 23 տարեկանների աշխարհի առաջնությունը։ 

Հոկտեմբերի 18-ից ըմբիշներն «Օլիմպավանում» անցկացնում են հավաք, որից հետո կմեկնեն մրցավայր։

Հիշեցնենք, որ հունահռոմեական ոճի ըմբիշներից Հայաստանը կներկայացնեն Նորայր Հախոյանը (55 կգ), Արմեն Մելիքյանը (60 կգ), Սլավիկ Գալստյանը (63 կգ), Հայկ Մելիքյանը (67 կգ), Հրանտ Կալաչյանը (72 կգ), Վահե Պողոսյանը (77 կգ), Արման Վարդանյանը (82 կգ), Ալբերտ Եղիկյանը (87 կգ) և Դավիթ Օվասապյանը (130կգ)։ Թիմը մրցավայր կմեկնի Էդուարդ Սահակյանի գլխավորությամբ։ Մրցատեղի կմեկնի նաև մարզիչ Սամվել Գևորգյանը։

Ազատ ոճի ըմբիշներից ԱԱ-ում հանդես կգան Ռազմիկ Միսակյանը (57 կգ), Արսեն Հարությունյանը (61 կգ), Վազգեն Թևանյանը (65 կգ), Արման Անդրեասյանը (70 կգ), Խաչատուր Պապիկյանը (74 կգ), Արման Ավագյանը (79 կգ), Հովհաննես Մխիթարյանը (86 կգ), Սարգիս Հովսեփյանը (92 կգ) և Հովհաննես Մաղաքյանը (125 կգ)։ Ազատ ոճի թիմը հանդես կգա Հաբեթնակ Կուրղինյանի գլխավորությամբ։ Բուդապեշտ կմեկնեն նաև մարզիչներ Էդգար Ենոքյանը և Ռաֆիկ Գոլեցյանը, ինչպես նաև Գևորգ Ալեքսանյանը՝ որպես մրցավար։

Լրահոս

Նմանատիպ նորություններ