80 տարեկան հասակում կյանքից հեռացել է հայկական ֆուտբոլի մեծագույն ներկայացուցիչներից մեկը՝ ԽՍՀՄ սպորտի վարպետ, ՀՍՍՀ վաստակավոր մարզիչ Սարգիս Հովիվյանը։

Սարգիս Հովիվյանը հայկական ֆուտբոլի, ինչպես նաև ԽՍՀՄ լավագույն անկրկնելի հարձակվողներից մեկը, խաղացել է Երևանի «Սպարտակ», «Արարատ», Վանաձորի «Լոռի», Մոսկվայի «Սպարտակ», ԲԿՄԱ, Քութաիսիի «Լոկոմոտիվ» ակումբներում, երկար տարիներ մարզչական գործունեություն է ծավալել։ Իր փառահեղ կարիերայի ընթացքում անվանի ֆուտբոլիստը արժանացել է բազմաթիվ մրցանակների՝ ԽՍՀՄ սպորտի վարպետ (1959 թ.), ՀՀ վաստակավոր մարզիչ (1971 թ.), Փոքր ոսկե մեդալակիր։

Ցավակցում ենք Սարգիս Հովիվյանի ընտանիքին, հարազատներին, ընկերներին ու նրա խաղի սիրահարներին։