Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Մենք լավն ենք, մեր շրջապատը լավը չէ. Ազատ Արշակյանը՝ Փաշինյանին բռնապետ անվանողներին

menq-lavn-enq--mer-srjapate-lave-ci-azat-arsakyane-pasinyanin-brnapet-anvanoxnerin

Նոր իշխանությունների հայտարարած պայքարը ֆեյքերի դեմ ոչ թե պաքար է այլակարծության դեմ, այլ Հայաստանի Հանրապետության դեմ ոտնձգությունների կանխարգելում: Այս մասին ՀԱՅ ՁԱՅՆ լրատվականի հետ զրույցում ասաց ՀՀ Գերագույն խորհրդի պատգամավոր Ազատ Արշակյանը՝ նկատելով, որ Փաշինյանի հայտարարությունը բոլորովին այլ ենթատեքստ ուներ. «Հայաստանի Հանրապետության, այլ ոչ թե իշխանության նկատմամբ գաղափարական և հոգեբանական պայքար է ընթանում մեր հակառակորդների կողմից: Ես այդպես եմ հասկացել, որ Նիկոլ Փաշինյանը կոչ էր անում Ազգային անվտանգության ծառայությանը կատարել իր ֆունկցիաները ավելի խիստ, զգոն և ինչու չէ՝ ավելի հետևողական, որպեսզի Հայաստանի Հանրապետության դեմ ոտնձգությունները թափ չառնեն»:

Ինչ վերաբերում է այն հարցին, թե դա չի՞ վտանգում, արդյոք, խոսքի և խղճի ազատությունը մեր երկրում, Արշակյանը նկատեց. «Ես կարծում եմ՝ առայժմ ոչ, որովհետև մինչև հիմա իշխանությունը շատ զուսպ է մամուլի նկատմամբ: Հենց ինքը՝ վարչապետը համացանցով է սովորաբար դիմում քաղաքացիներին, նույնիսկ Հանրային հեռուստաընկերությունը, Հանրային ռադիոն և մասնավոր հեռուստաընկերությունները չեն օգտագործվում իշխանության կողմից: Քանի որ ես հաճախ եմ հրավիրվում հարցազրույցների, կարող եմ փաստել, որ հիմնական հրավիրողները ընդդիմախոս են: Ընդդիմախոսությունը շատ ուժող է: Իսկ իշխանության կողմից ես անձամբ երբեք հրավեր չեմ ստացել: Ես պաշտպանում եմ հեղափոխությունը, չնայած ինքս հեղափոխական չեմ: Կարծում եմ, որ մենք ընտրության հնարավորություն ունենք՝ կա՛մ հետ գնանք դեպի բռնապետություն, կա՛մ առաջ գնանք: Ես ընտրել եմ առաջ գնալու ճանապարհը»,- ասաց մեր զրուցակիցը:

Ազատ Արշակյանի կարծիքով՝ իշխանությունը չի սպառնում ընդդիմախոսությանը կամ խոսքի ազատությանը, և այն, ինչ հայտարարել էր վարչապետը, վերաբերում էր դրսից եկող հակապետական քարոզչությանը, որը ԱԱԾ-ի գործն է: «Երբ կանոնավոր ձևով հայկական պետության դեմ գաղափարական պայքար է գնում, դա խնդիր է: Այդ ամենը Նիկոլ Փաշինյանի օրոք չի սկսվել, նախկինում ևս Հայաստանի Հանրապետության դեմ դիվերսիոն ակիցա էր գնում: Օրինակ՝ կազմակերպվում էր որևէ հովանավոր պետությանը միանալու ստորագրահավաք, ասենք, Բելառուսին միանալու ստորագրահավաք էին կազմակերպում Հայաստանի երկու ոչ քաղաքացիներ:

Հիմա էլ է նույն գործընթացն ընթանում, և իշխությունը փորձում է հակապետական դիվերսիաներից պաշտպանել Հայաստանը: Իսկ խոսքի ազատության սահմանափակում չկա. չեն փակվում կայքեր, չեն փակվում հեռուստատեսային ծրագրեր, կուսակցական հեռուստաալիքներ կան: Աշխարհում դա այլևս մոդա չէ, կուսակցական հեռուստատեսություն և մամուլ այլևս չկա: Արգելված չէ, սակայն դա համարվում է վնասաբեր, քանի որ միակողմանի է: Իսկ մեզ մոտ դեռևս կան կուսակցական հեռուստաընկերություններ, կայքեր: Մենք ոչ թե հանդուրժող ենք, այլ հետամնաց»,- նշեց նա:

Իսկ այն դիտարկմանը, թե շատերը Նիկոլ Փաշինյանին համեմատում են Ալեքսանդր Լուկաշենկոյի հետ՝ հիմնվելով նրա վարած քաղաքականության վրա, Արշակյանը պատասխանեց. «Կարծում եմ՝ այդ համեմատությունը տեղին չէ: Լուկաշենկոն բռնակալ է, այնտեղ բազմակարծությունն արգելված է, մամուլն ազատ չէ, խղճի ազատություն չկա, իշխանափոխություն՝ ընտրությունների միջոցով չի լինում, և դրա գնահատականը տվել են միջազգային կառույցները: Իսկ Հայաստանի մասին նրանք փաստում են, որ ժողովրդավարական երկիր է, այստեղ իշխանությունը ժողովրդի կողմից է ընտրված:

Մենք ունենք ուրիշ պրոբլեմ. մենք բռնապետների հետ հաճախակի ենք շփվում: Այսինքն, մեր շրջապատը լավը չէ, մենք լավն ենք, իսկ մեր շրջապատը լավը չէ: Մեզ դրանում են մեղադրում»:

Լրահոս

Ամենաընթերցվածը

Նմանատիպ նորություններ