Դաստիարակելու համար ոչ թե երկար ժամանակ է հարկավոր, այլ կարճ ժամանակի խելացի օգտագործում,
Ղազարոս Աղայան

ՄԻԵԴ-ը հրապարակել է «Թադևոսյանն ընդդեմ Հայաստանի» գործով վճիռը. երկիրը պետք է փոխհատուցի մոտ 139 հազար եվրոյի չափով

am
mied-e-hraparakel-e-tadeosyann-enddem-hayastani-gorcov-vjire-erkire-petq-e-poxhatouci-mot-139-hazar-evroyi-capov

Մարդու իրավունքների եվրոպական դատարանը 2019 թվականի մայիսի 16-ին հրապարակել է «Թադևոսյանն ընդդեմ Հայաստանի» վճիռը, որով արձանագրվել է Կոնվենցիային կից թիվ 1 Արձանագրության 1-ին հոդվածի (սեփականության պաշտպանություն) խախտում:

Ինչպես  տեղեկացրին ՄԻԵԴ-ում ՀՀ ներկայացուցչությունից, մասնավորապես, դիմումատուն պնդել է, որ միջամտությունը իր սեփականության իրավունքին չի իրականացվել օրենքի հիման վրա, եղել է ոչ համաչափ և չի հետապնդել հանրային շահ:

Գործի քննության արդյունքում Եվրոպական դատարանը, մերժելով դիմումատուի պնդումները, գտել է, որ միջամտությունը դիմումատուի սեփականության իրավունքին իրականացվել է օրենքի հիման վրա, սակայն չի հետապնդել հանրային շահ:

Դիմումատուն պահանջել է 104,061,598 դրամ փոխհատուցում նյութական վնասի, 5 հազար եվրո փոխհատուցում ոչ նյութական վնասի և 4,056,411 դրամ՝ կատարված ծախսերի և ծախքերի համար:

Հաշվի առնելով ՀՀ կառավարության առարկությունները` Եվրոպական դատարանը դիմումատուի պահանջը բավարարել է 133,958 եվրոյի չափով՝ որպես նյութական վնասի հատուցում, 2 հազար եվրո՝ որպես ոչ նյութական վնասի հատուցում և 3 հազար եվրո՝ կատարված ծախսերի և ծախքերի համար:

Լրահոս

Ամենաընթերցվածը

Նմանատիպ նորություններ