Յուր ազգն ու հայրենիքը չսիրող անձը մարդկային կյանքի մեջ ապրելու իրավունք չունի:

Խրիմյան Հայրիկ

Մինասի գույներով՝ այցելուների ձեռքերով. բացվել է «Գույների կախարդանք» ցուցահանդեսը

am es
minasi-gouynerov-aycelouneri-cerqerov-bacvel-e-gouyneri-kaxardanq-coucahandese

Հայաստանի Ազգային պատկերասրահում բացվել է «Գույների կախարդանքը» ցուցահանդես՝ Մինասի գույներով՝ այցելուների ձեռքերով։

Ինչպես տեղեկանում ենք պատկերասրահից, նախորդ տարի Ազգային պատկերասրահում Մինաս Ավետիսյանի 90-ամյակին նվիրված «Մինաս. հին ու բոլորովին նոր» խորագրով ցուցահանդեսի շրջանակներում ստեղծվել է «Մինասի գույների կախարդանքը» ինտերակտիվ կրթական ծրագիր: Մոտ չորս ամիս ծրագրին մասնակցեց շուրջ վեց հարյուր /600/ աշակերտ՝ Հայաստանի տարբեր դպրոցներից և հաստատություններից:

Նախագծում առանցքայինը նկարչի ծննդավայրը պատկերող «Ջաջուռ» կտավն է՝ 1960 թ., որը հայրենի բնաշխարհի գունային սիմվոլիկ հավաքական պատկերն է։

Թիմային աշխատանքի արդյունքում պատանի արվեստասերները վերը նշված կտավի ուրվանկարի և տարաբնույթ իրերի` գործվածքների, թելերի, բազմերանգ գույների համադրությամբ ստեղծել են հայտնի գեղանկարի ինքնատիպ կոլաժային վերարտադրություններ:

Լրահոս

Ամենաընթերցվածը

Նմանատիպ նորություններ