Սեպտեմբերի վերջին մեկնարկելու է ՄԱԿ գլխավոր ասամբլեայի 74-րդ գագաթաժողովը, որին կմասնակցի նաև ՀՀ արտաքին գործերի նախարար Զոհրաբ Մնացականյանը։ Այսօր ԱԳՆ-ում լրագրողների հետ ճեպազրույցում այս մասին հայտարարեց ԱԳՆ մամուլի խոսնակ Աննա Նաղդալյանը։ «Բավական հագեցած օրակարգ է։ Նախատեսված են ինչպես երկկողմ, այնպես էլ եռակողմ հանդիպումներ», - ասաց նա: 

Հարցին, թե հնարավոր է, որ գագաթաժողովին հանդիպում տեղի ունենա Հայաստանի և Ադրբեջանի արտաքին գործերի նախարարների միջև, Աննա Նաղդալյանն արձագանքեց. «Համանախագահների կողմից եղել է հանդիպում կազմակերպելու առաջարկ։ Կողմերը հանաձայնել են։ Իսկ թե որտեղ և ինչ ժամկետներում կլինի հանդիպումը, կհայտարարվի համաձայնեցված կարգով»։