Մխիթարյանի Ռոման 94-րդ րոպեին կարողացավ հաղթանակ կորզել

mxitaryani-roman-94-rd-ropein-karoxacav-haxtanak-korzel

Ա սերիայի 4-րդ տուրում «Ռոման» մրցակցի հարկի տակ հյուրընկալել էր «Բոլոնիային»։

Մխիթարյանը մասնակցեց հանդիպմանը՝ փոխարինվելով միայն 86-րդ րոպեին։ Առաջին խաղակեսում գոլեր չգրանցվեցին, և թիմերը գնացին ընդմիջման գոլազուրկ ոչ-ոքիի պայմաններում։ Երկրորդ խաղակեսը մեծ ակտիվությամբ սկսած «Ռոման», ստացավ նպաստավոր դիրքում տուգանային հարված, իսկ գնդակին մոտեցավ Կոլարովը և դիպուկ հարվածով գրավեց բոլոնիացիների դարպասը։

 

Բայց «Ռոմայի» ուրախությունը երկար չտևեց 54-րդ րոպեին հենց Կոլարովը խախտեց խաղի կանոնները տուգանային հրապարակում և Բոլոնիան ստացավ 11-մետրանոց հարված, որը անվրեպ իրացրեց Սանսոնեն՝ հավասարեցնելով խաղի հաշիվը։ Եվ դա էլ բավական չէր խաղավերջում Մանսին, ստանալով երկրորդ կարմիր քարտը, «Ռոմային» թողեց 10 հոգով։

 

Բայց այս երեկո բախտը հռոմեական ակումբի կողմն էր. 94-րդ րոպեին Լորենցո Պելեգրինիի փոխանցումից հետո բոսնիացի ռմբարկու Էդին Ջեկոն դրեց այս դրամատիկ հանդիպման վերջակետը։ Ռոման շատ կարևոր հաղթանակ է տոնում. վաստակած 8 միավորով «Ռոման» արդեն Ա սերիայում 4-րդն է։

Լրահոս

Նմանատիպ նորություններ