Հայրենիք ստեղծելը հերոսություն է, հայրենիք շենացնելը` առաքինություն:
Վազգեն Ա Կաթողիկոս

Նա իր կյանքը զոհեց հանուն արվեստի. կայացավ լուսանկարիչ Մհեր Ղազարյանի ցուցահանդեսը (տեսանյութ)

na-ir-kyanqe-zohec-hanoun-arvesti-kayacav-lousankaric-mher-xazaryani-coucahandese-tesanyout

Այսօր «Նարեկացի» արվեստի միությունում տեղի ունեցավ Մհեր Ղազարյանի լուսանկարների ցուցահանդեսը: Հյուրերից շատերը թեկուզ չէին հասցրել անձամբ ճանաչել լուսանկարչին` կյանքից անժամանակ հեռանալու պատճառով, սակայն բոլորը նրա նկարներում կարողացան տեսնել ռոմանտիկ, զգացմունքային ու հայրենասեր Մհերին:

Նա իր նկարներում պատկերել է հայկական բնաշխարհը, եկեղեցիները, կյանքի ներդաշնակությունն ու սերը շրջապատի նկատմամբ: Մհեր Ղազարյանն այն լուսանկարիչներից էր, որ կյանքը զոհեց հանուն արվեստի, հանուն մարդկանց գեղեցիկը փոխանցելուն, և հանուն հոգևոր արժեքների:

Մհերի մայրը՝ Նաիրա Մկրտչյանը նկատում է՝ որդին միշտ է միաձուլված եղել բնությանը. բնությունը իր սերն էր. «Ես միշտ ասում էի՝ Մհեր, դու այլմոլորակային ես, իսկ ինքը համաձայնում էր»,- նշում է տիկին Նաիրան:

Ցուցահանդեսի հյուրերից շատերը չեն ճանաչել Մհերին, բայց նրա ստեղծագործությունները նայելով, նշում էին, որ դրանց միջոցով հիմա արդեն գիտեն՝ ինչպիսին է եղել նա. Դանիել Երաժիշտը լուսանկարներից նկատել է՝ Մհերը հայրենասեր ու ռոմանտիկ է եղել. «Մարդուն ճանաչելու լավագույն տարբերակը, նրան իր արվեստի միջոցով ճանաչելն է, և ես հիմա նրան ավելի լավ եմ ճանաչում, քան շատերը: Ռոմանտիկ, տաղանդավոր տղա է և հայրենասեր»:

Եվրասիայի Հայ Ավետարանական եկեղեցիների միության նախագահ Ռընե Լևոնյանն էլ նշեց, որ Մհերի նկարներից մեկը չի կարող առանձնացնել, բոլորի մասին կարող է ասել, որ դրանց մեջ ազատություն կա:

Մանրամասները՝ տեսանյութում:

Լրահոս

Ամենաընթերցվածը

Նմանատիպ նորություններ