Կարծում եմ՝ աստիճանաբար, մարդու բանականության ուժը կհզորանա: Այդ դեպքում կարևոր կդառնա, թե մարդկությունն ինչպես կվերաբերվի այլ քաղաքակրթությունների հետ, որոնք, անպայման գոյություն ունեն տիեզերքում:
Վիկտոր Համբարձումյան

Նոր կառոյցներ՝ նոր մարտահրաւէրներու համար

am es
nor-karoycner-nor-martahrauernerou-hamar

Վերջին շրջանին Գալիֆորնիոյ նահանգէն սփիւռքեան հարցերու նկատմամբ աշխուժութեան նշաններ կը դրսեւորուին։ Նոյն նահանգէն, Կլենտէյլի քաղաքապետ Զարեհ Սինանեանի՝ վարչապետին առընթեր Սփիւռքի գործերու գլխաւոր յանձնակատար նշանակուլելէն ետք, Օգոստոս 16-ին կազմուեցաւ Արեւմտեան Ամերիկայի համահայկական խորհուրդը, որ առաջին ներսփիւռքեան տեղաշարժն էր ի դիմաց անցեալ տարի Հայաստանի մէջ տեղի ունեցած պետական կառավարման յեղափոխութեան։ Շուտով, Սեպտեմբերին նախատեսուած է վարչապետ Փաշինեանի այցելութիւնը Լոս Անճըլըս։

Հակառակ անոր որ Ռուսահայութիւնը աշխարհագրական մօտիկութիւն եւ պատմական շատ սերտ կապեր ունի Հայաստանի հետ, ան կը յատկանշուի համագաղութային իր կառոյցներու անկատարութեամբ։ Թէեւ տնտեսական գետնի վրայ անոնք շատ աշխուժ յարաբերութիւններ ունին Հայաստանի հետ, բայց եւ այնպէս անոնք քաղաքական ասպարէզի մէջ զուրկ են հաւաքական ազդեցութիւն ունենալէ։ 

Փոխարէնը, ԱՄՆ-ու Գալիֆորնիոյ նահանգի հայութիւնը համայնքային կեանքի հսկայական փորձառութիւն ունի։ Սովետական շրջանէն, տեղւոյն հայ համայնքները ունին քաղաքական, կրօնական, կրթական, մշակութային ու ընկերային կեանքը համակարգող մարմիններ։ Ունին Ցեղասպանութեան ճանաչման համար պայքարի ռազմավարութիւն, հաւաքականապէս պետական հաստատութիւններու հետ գործակցելու մշակոյթ։ Արեւմտեան Ամերիկայի համահայկական խորհուրդի ստեղծումով, անոնք կազմակերպչական գետնի վրայ կը նուաճեն նոր մակարդակ մը, որ կրնայ նոր որակի բարձրացնել համայնքներու ներքին կեանքն ու գործունէութիւնը, նաեւ նոր որակ մը հաղորդել համասփիւռքեան կազմակերպչական հարցերուն եւ Հայաստան-Սփիւռք յարաբերութիւններուն։

Ֆրանսահայ համայնքի CCAF-ի բնատիպին հիման վրայ ստեղծուած Արեւմտեան Ամերիկայի համահայկական խորհուրդը ունի իր իւրայատկութիւնները։ Արեւմտեան երկիրներու հայահոծ համայնքները ունին կազմակերպչական գլխաւոր խնդիր մը, որ հասարակաց է բոլորին՝ ստեղծել համայնքային նոր կառոյցներ, որոնք պէտք է հաշտեցնեն հին ու նոր երեւոյթներ։ Մէկ կողմէն՝ Միջին Արեւելքի Հայութեան կազմակերպչական փորձառութենէն բխած աւանդական կառոյցներու եւ միւս կողմէն՝ Հայաստանի անկախութեան շրջանին գաղթած Հայերուն՝ համայնքային կառոյցներուն մէջ համարկումի խնդիրները, ինչպէս նաեւ համարկումը՝ երկրի տեղական քաղաքական ու ընկերային պայմաններուն եւ ռազմավարական շահերուն։ 

Անկախութենէն ի վեր ներհամայնքային կեանքին մէջ իրենց դերակատարութիւնն ունին նաեւ Հայաստանի դեսպանատուները, Սփիւռքի գործով գլխաւոր յանձնակատարը եւ Հայաստանն ու Արցախը՝ իբրեւ հայրենասիրութեան, զբօսաշրջութեան, բարեսիրութեան, կրթութեան, մշակութային եւ ներդրումի բեւեռ։ Հայաստանի եւ Արցախի դիմագրաւած մարտահրաւէրները եւս ինքնին կարեւոր խթաններ են սփիւռքահայ կառոյցներու վերակազմակերպումին։ Արագընթաց աշխարհաքաղաքական փոփոխութիւններու մէջ սփիւռքահայ համայնքային կառոյցներու նորոգումը հրամայական մըն է քայլ պահելու համաշխարհային ընդհանուր յառաջընթացին։ Այս իմաստով, Հայաստանի ժողովրդավարացումը կրնայ իր դրական ազդեցութիւնը ունենալ սփիւռքահայ կառոյցներու վերանորոգման վրայ։ 

Ժ.Չ.

 

Աղբիւրը՝ Նոր Յառաջ

Լրահոս

Ամենաընթերցվածը

Նմանատիպ նորություններ