Փարիզի Աստվածամոր տաճարի ամենամեծ զանգը գրեթե կես տարի առաջ տեղի ունեցած հրդեհից հետո առաջին անգամ կհնչի ի հիշատակ Ֆրանսիայի նախկին վարչապետ Ժակ Շիրակի: Այս մասին հայտնում է BFMTV-ն:

Հիշեցնենք, որ Ժակ Շիրակը կյանքից հեռացել է սեպտեմբերի 26-ին՝ 86 տարեկան հասակում: Շիրակը Ֆրանսիայի նախագահի պաշտոնը զբաղեցրել է 1995 թվականից մինչև 2007 թվականը, իսկ 18 տարի եղել է Փարիզի քաղաքապետը:

Փարիզի Սեն Սյուլպիս տաճարում ընթանում է նախկին նախագահի հոգեհանգստի արարողությունը:

Ինչպես ավելի վաղ նշել էինք, արարողությանը մասնակցում են աշխարհի մոտ 80 երկրների ղեկավարներ: Հայաստանից ներկա  է ԱԳ նախարար Զոհրաբ Մնացականյանը: