Հայրենիք ստեղծելը հերոսություն է, հայրենիք շենացնելը` առաքինություն:
Վազգեն Ա Կաթողիկոս

Ոմանք արդեն տևական ժամանակ զբաղված են Հայոց Սուրբ Եկեղեցու վարկաբեկմամբ. պատգամավոր

am
omanq-arden-teakan-jamanak-zbaxvac-en-hayoc-sourb-ekexecou-varkabekmamb-patgamavor

Ապազգային մարտնչող տգիտությունը և հակահայկական տխմարությունն ունի բազմաթիվ երանգներ։
Ոմանք ծաղրում են հայկական ավանդույթները` վերագրելով մեզ այնպիսի արարքներ, որոնք իսկական հայկական ավանդույթների հետ աղերս չունեն։ Այս մասին իր ֆեյսբուքյան էջում գրում է Ազգային ժողովի «Բարգավաճ Հայաստան» խմբակցության քարտուղար Արման Աբովյանը` հավելելով.


«Ոմանք փորձում են սերմանել ժողովրդի մեջ կեղծ «հակամիլիտարիստական» գաղափարներ` փաստացի աշխատելով այն ուղղությամբ, որ մեզ դարձնեն սուտի «խաղաղասեր»` ներկայացնելով մեր` հանուն մեր ազատության և Հայրենիքի պայքարելու վճռականությունը, որպես «ագրեսիվ և պրիմիտիվ» հասարակության վարքագիծ։

Ոմանք էլ, արդեն տևական ժամանակ մանրակրկիտ զբաղված են Հայոց Սուրբ Եկեղեցու վարկաբեկմամբ։ Օրինակ` այսօր դրանցից մեկը, արտահայտեց մի միտք, որի իմաստն այն է, թե Հայոց բանակին պետք չեն հոգևոր հայրեր, և հոգևորականների դերն իրեն համար անհասկանալի է։ Ես բնավ նպատակ չունեմ այսպիսի մտքեր արտահայտող անձնավորությանը վիրավորել, բայց, կներեք...այսպիսի մտքեր արտահայտողը կամ մտավոր անմեղսունակ է, կամ բացահայտ թշնամի, կամ երկու որակավորումներն` համատեղ»:

Աբովյանը նշում է` սպասում էր, որ այս խառը իրավիճակում պետք է ակտիվանան զանազան ապազգային էլեմենտներ. «Բայց որ սրանք այնքան «կանջատվեն», որ բաց և անթաքույց ապազգային պրոպագանդա կսկսեն վարել...չի սպասում (չնայած ինչո՞ւ եմ զարմանում, սրանք շուտ վանից արդեն բացահայտ գործում են Հայաստանում):

Մի խոսքով, ժողովուրդ ջան, իմացեք մի բան| մենք շրջապատված ենք վայրենի թշնամիներով, և մեր միակ փրկությունը ազգային ինքնապաշտպանության գաղափարի շուրջ հիմնված խելացի տնտեսական և հետևողական միլիտարիստական քաղաքականությունն է»:

Լրահոս

Ամենաընթերցվածը

Նմանատիպ նորություններ