Միայն աղեկ գրված գիրքերը չեն, որ կը մնան, այլ մանավանդ անոնք, որոնք ժողովրդի սրտին մոտիկ կը խոսին:
Երվանդ Օտյան

Օպերատիվ իրավիճակը հանրապետությունում սեպտեմբերի 9-ից 10-ը

am
operativ-iravijake-hanrapetoutyounoum-septemberi-9-ic-10-e

Ըստ ոստիկանության օպերատիվ հաղորդագրությունների ամփոփագրերի` սեպտեմբերի 9-ից 10-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 60 դեպք, որոնցից 2-ը՝ նախկինում կատարված։
Մասնավորապես՝ մարմնական վնասվածք հասցնելու՝ 10, անձնական ունեցվածքի գողության՝ 7, խարդախության` 6, յուրացման կամ վատնման, պաշտոնեական լիազորությունների չարաշահման և ծեծի՝ 5-ական, թմրամիջոցի հայտնաբերման՝ 4, սպանության սպառնալիքի՝ 3, անձի առևանգման, կողոպուտի, ապօրինի ծառահատման, պաշտոնեական կեղծիքի կամ անփութության, ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու, ծնողի կամ այլ մերձավոր ազգականի և երեխայի միջև տեսակցության իրականացմանը խոչընդոտելու, մշակումն արգելված թմրանյութեր պարունակող բույսեր ապօրինի ցանելու կամ աճեցնելու, անձնական կյանքի մասին տեղեկություններ ապօրինի հավաքելու, պահելու, կամ տարածելու, անձին ազատությունից ապօրինի զրկելու, սառը զենքի հայտնաբերման, առևտրային կամ այլ կազմակերպությունների ծառայողների կողմից լիազորությունները չարաշահելու, փաստաթղթի կեղծիքի և հանցագործութան պարտակման՝ 1-ական դեպք։
Հայտնաբերվել է 2 անհետ կորած, 1 հետախուզվող, կամավոր ներկայացել է՝ 2-ը:
Գրանցվել է զենք-զինամթերքի կամավոր հանձնման 1 դեպք:
Նախկինում կատարված հանցագործություններից բացահայտվել է անձնական ունեցվածքի գողության և մարմնական վնասվածք հասցնելու 1-ական դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 21 պատահար, ինչի հետևանքով 26 մարդ ստացել է տարբեր աստիճանի մարմնական վնասվածքներ:

Լրահոս

Ամենաընթերցվածը

Նմանատիպ նորություններ