Ոստիկանությունը կարող է ՀԱՅ ՁԱՅՆ-ի հրապարակումը` Քասախ գետի մասին, ընդունել որպես հաղորդում. Կոմիտեի Ներքին վերահսկողության վարչության պետ

am
ostikanoutyoune-karox-e-hay-cayn-i-hraparakoum-qasax-geti-masin--endounel-orpes-haxordoum-komitei-nerqin-verahskoxoutyan-varcoutyan-pet

ՀՀ կադաստրի պետական կոմիտեի ներքին վերահսկողության բաժնից ադրադարձել են ՀԱՅ ՁԱՅՆ լրատվականի` «Ինչո՞ւ է փոքրացվել Քասախ գետի լայնությունը» հրապարակմանը։

Պատասխանն ավելի հստակ և հասկանալի դարձնելու համար կապ հաստատեցինք Կոմիտեի Ներքին վերահսկողության վարչության պետի՝ Արսեն Հովհաննիսյանի հետ։ Հովհաննիսյանը փաստեց, որ իրենց պատասխանը ապացուցում է հրապարակման մեջ շեշտվող այն հանգամանքը, ըստ որի` Քասախ գետի «Կարբի Ձոր» հանգստյան գոտուն հարող հատվածի քարտեզում տեղ գտած չափսի և իրական չափսի միջև կա էական տարբերություն։

Հետաքրքրվեցինք, թե Կոմիտեի եզրակացությունից կարո՞ղ ենք արձանագրել, որ նյութում տեղ գտած փաստերը համապատասխանում են Կադաստրի կոմիտեի եզրակացությանը, Արսեն Հովհաննիսյանի պատասխանն այսպիսին էր. «Այո, միանշանակ համապատասխանում է, ուղղակի այստեղ մի ավել բան կա, որ նյութում չի ասվում: Կարբի համայնքի բնակչի` Եսայանի շահերը խախտվել են, բայց իրենք էլ ունեն խնդիր: Իրենց հողամասի ծայրից մի փոքրիկ հատված էլ է համադրվում գետի հետ, այսինքն, իրենք էլ պետք է հրաժարվեն իրենց հողամասի այդ հատվածից: Մեր ներկայացրած փաստաթղթերում երևում է, թե քանի մետրն է համադրվում: Այս պարագայում իրենք պետք է հրաժարվեն հողի գետի հետ համադրվող փորք հատվածից, ճիշտ է` իրենց հողի մակերեսից մի քիչ պակասում է, բայց իրենք հենց գետի սահմանով ունենում են իրենց հողամասը: Քարտեզներից երևում է, որ նույնիսկ իրենց հողն է համադրվում գետի հետ, ուր մնաց, թե իրենց հողի ու գետի միջև էլի հողամաս լինի»։ Ի պատասխան հարցին, թե Կոմիտեն ի՞նչ քայլեր է պատրաստվում ձեռնարկել, որպեսզի ուղղի քարտեզում տեղ գտած անճշտությունը` Հովաննիսյանի նշեց, որ դա իրենց իրավասություններից դուրս է։

Նա ընդգծեց, քանի որ գրանցումն արդեն կատարված է` խնդրով պետք է զբաղվեն իրավապահ մարմինները։

«Ոստիկանությունը կարող է ձեր հրապարակումն ընդունել որպես հաղորդում և զբաղվել խնդրով, իսկ եթե խնդիրն այս պահին դատարանում է, կարող են մեր ուսումնասիրության պատասխանը կցել գործին, ինչ էլ էականորեն կազդի արդյունքի վրա և խնդիրը լուծում կստանա։ Եթե նոր ուսումնասիրություն օգտագործեն քննության մեջ` հարցը կկարգավորվի։ Պատասխանում ամեն ինչ շատ մանրամասնորեն շարադրված է: Վճիռը կլինի վաղը, մյուս օրը, ըստ դրա կչեղարկվեն, այդ գրանցված իրավունքները կհանվեն, հեչ կարվեն և դրանից հետո Կադաստրի քարտեզում փոփոխություն կարվի: Թող չեղյալ անեն այդ բոլոր գրանցումները, մաքրվի այդ հատվածը, այն բողոքող մարդու հողամասից էլ գետին համադրվող հատվածը հանվի, որպեսզի օտարման գոտին պահպանվի: Կարծում եմ, որ այս նյութերը օգտագործեն քննության մեջ, խնդիրը նորմալ կլուծվի»,- եզրափակեց նա։

Կադաստրի կոմիտեի պատասխանն ու կից փաստաթղթերը ներկայացնում ենք ստորև․

Նկ. 1 . Քասախ գետի իրադրական դիրքը` ըստ ՀՀ կառավարության 2005 թ 1676 որոշման


Նկ. 2. Գրանցման հիմք գլխավոր հատակագիծ


Նկ 3. Համադրման սխեմա


Լրահոս

Ամենաընթերցվածը

Նմանատիպ նորություններ