Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

Օտար լեզուների պարտադիր ուսուցումը պետք է դառնա Արցախի ապագա զարգացման կարևոր նախապայմաններից մեկը. Արայիկ Հարությունյան

am
otar-lezouneri-partadir-ousoucoume-petq-e-darna-arcaxi-apaga-zargacman-kareor-naxapaymanneric-meke-arayik-haroutyounyan

Ինչու է վերջին շրջանում հաճախացել Հայաստան ու Արցախ այցելող ռուս զբոսաշրջիկների թիվը: Այս հարցին անդրադառնալով` Արցախի Հանրապետության նախկին վարչապետ Արայիկ Հարությոնյանը ընդգծում է, թե պատճառները շատ են` պայմանավորված բազմաթիվ գործոններով, ինչպիսիք են, օրինակ, ներքին օգտագործման անձնագրերով Հայաստան այցելելու հնարավորությունը, մեր երկրի ավելի մատչելի պայմանները, տեսարժան վայրերը և այլն:

Բայց սրանց հետ մեկտեղ Հարությունյանը կարևորում է նաև լեզվական գործոնը:

<<Ըստ իս, ռուս զբոսաշրջիկների՝ Հայաստան այցելելու ամենամեծ մոտիվացիան առաջին հերթին տեղի բնակչության մեծ մասի՝ ռուսաց լեզվին տիրապետելն է, որը նրանց համար լրացուցիչ հարմարավետություն է ստեղծում>>:

Մասնագիտությամբ տնտեսագետ Ա. Հարությունյանը նաևր արձանագրում է. <<Կարծում եմ, շատերիդ է հայտնի, թե ինչպիսի մուլտիպլիկատիվ կարևոր ազդեցություն է ունենում զբոսաշրջության աճը տնտեսության բազմաթիվ ոլորտների զարգացման վրա: Սակայն զբոսաշրջությունը այս պարագայում, թերևս, ամենապարզ օրինակն էր, որի մասին ցանկանում եմ խոսել: Սինգապուրի առաջին վարչապետ Լի Կուան Յուն, ով այդ երկիրը կառավարեց երեք տասնամյակ և աղքատ ու ոչ մեծ հնարավորություններ ունեցող պետությունը վերածեց աշխարհի ամենազարգացած երկրներից մեկի, իր առանցքային բարեփոխումներից համարեց կրթությունը՝ հատկապես անգլերեն լեզվին տիրապետելն ու գործածությունը դարձնելով պարտադիր>>։

Ըստ Հարությունյանի, որպեսզի ավելի ընկալելի դառնանք աշխարհին, որպեսզի ներդրողի ու զբոսաշրջիկի համար մեր երկիրը ավելի հետաքրքիր դարձնենք` միայն ենթակառուցվածքներն ու բիզնես միջավայրի բարելավումը բավարար չեն: <<Այսինքն, մենք պետք է հրաժարվենք հանրակրթության և բուհական համակարգում գոյություն ունեցող օտար լեզուների ուսուցման գործող մեթոդներից և պարտադիր կերպով նոր եղանակներ կիրառենք, որպեսզի մեր քաղաքացին բավարար մակարդակով տիրապետի գոնե երկու օտար լեզվի՝ ռուսերենին և անգլերենին: Տարիներ շարունակ Արցախի կառավարությունը անգլերեն լեզվի ուսուցման անվճար դասընթացներ է կազմակերպել պետական համակարգի աշխատողների համար, ինչը, սակայն, բավարար չի եղել գոնե այդ հատվածի՝ լեզվի իմացության անհրաժեշտ մակարդակն ապահովելու համար>>:

Նա համոզված է, որ օտար լեզուների պարտադիր ուսուցումը պետք է դառնա մեր երկրի ապագա զարգացման կարևոր նախապայմաններից մեկը, և այդ ուղղությամբ անելիքներ կան.

<< Ի վերջո, արդի տեխնոլոգիաների ժամանակներում, երբ աշխարհը բաց է յուրաքանչյուրիս համար, լեզվի՝ որպես հաղորդակցության կարևորագույն միջոցի իմացությունը դառնում է գերխնդիր>>:

Լրահոս

Ամենաընթերցվածը

Նմանատիպ նորություններ