Ռափայել Պատկանյան - Հայ և հայություն

Թե դու հայ ես՝ հայությունդ պիտի հարգես անպատճառ,
Հայաստանը պիտի լինի հուսո աստըղ քեզ համար.
Օտարինը դու մի՛ ատիլ, մի՛ էլ սիրիլ կուրորեն,
Բայց քու Հայի օգուտները միշտ վե՛ր դասե ամենեն։

Կարդալ Ամբողջը

«Պարոն հինգ տոկոս». աշխարհի ամենահարուստ մարդու՝ Գալուստ Գյուլբենկյանի մասին պատմող գիրքը. The Guardian

am en es
paron-hing-tokos-asxarhi-amenaharoust-mardou-galoust-gyoulbenkyani-masin-patmox-girqe-the-guardian

Բրիտանական հայտնի The Guardian պարբերականը անդրադարձել է աշխարհի ամենահարուստ հայերից մեկին՝ Գալուստ Գյուլբենկյանին՝ ներկայացնելով վերջինիս կյանքն ու գործունեությունը:

«Ժամանակակից աշխարհի մասին ի՞նչ կարող է մեզ սովորեցնել Օսմանյան կայսրությունում ծնված ծագումով հայ նավթային մագնատը: Դատելով Գյուլբենկյանի հետաքրքրաշարժ կենսագրությունից՝ շատ բան կարող է սովորեցնել... Երբ 1869-ին ծնվեց Գյուլբենկյանը, հայերը Ստամբուլում մեծ թիվ չէին կազմում և գլխավորապես զբաղվում էին առևտրով: Սակայն արդեն 1880-ականներից քաղաքն անապահով էր հայության համար, ինչն ի վերջո վերաճեց 1915թ-ի Հայոց ցեղասպանության...

Գյուլբենկյանը, լինելով Լոնդոնի King’s College-ի շրջանավարտ, շատ արագ էր հասկացել, թե ինչքան կարևոր է նավթը առևտրի բնագավառում: Իր ստացած գիտելիքների ու հմտությունների շնորհիվ հրաշալի կապեր ուներ Մերձավոր Արևելքում, Օսմանյան կայսրության ողջ տարածքում 5% բաժնետոմս ուներ»,- գրում է պարբերականը:

Ըստ լրատվամիջոցի՝ Գյուլբենկյանի հմտությունները և առևտրային բնագավառում գրանցած ձեռքբերումները հետաքրքիր են ցանկացած ընթերցողի համար:

Գյուլբենկյանը հայտնի էր նաև արվեստի հավաքածուների հանդեպ ունեցած սիրով: Նա Էրմիտաժի գլուխգործոցների առաջին գնորդն էր, երբ Խորհրդային Միության իշխանությունները որոշեցին դրանք վաճառել: Շնորհիվ հաջող բանակցություններ վարելու Գյուլբենկյանի հմտության՝ Էրմիտաժից բացակայում է Ռեմբրանտի մի քանի կտավ:

Պարբերականը համառոտակի ներկայացնում է նաև մեծանուն հայի ծննդյան 150-ամյակի կապակցությամբ լույս տեսած Ջոնաթան Քոնլինի «Պարոն հինգ տոկոսը. Գալուստ Գյուլբենկյանի՝ աշխարհի ամենահարուստ մարդու կյանքերը» («Mr Five Per Cent: The Many Lives of Calouste Gulbenkian, the World’s Richest Man») գիրքը, որը բացահայտում է Գյուլբենկյանի հարուստ կենսագրությունը: Գիրքը ստեղծվել է Գյուլբենկյանի արխիվի ուսումնասիրությունների հիման վրա:

Լրահոս

Ամենաընթերցվածը

Նմանատիպ նորություններ