Պատրաստում ենք ամառային խաշլամա

am es
patrastoum-enq-amarayin-xaslama

Բաղադրիչներ

միս տավարի - 2,5 կգ (կամ գառան)

կարտոֆիլ - 20 հատ

սոխ - 5 գլուխ

գազար - 5 հատ

սմբուկ - 4 հատ

լոլիկ - 8 հատ

տաքդեղ - 3 հատ

սխտոր - 6 պճեղ

աղ - ըստ ճաշակի

Պատրաստման եղանակ

Բաղադրիչները նշված են 9 լիտրանոց կաթսայի չափով: Միսը լվանում ենք, կտրատում և լցնում կաթսայի մեջ։ Մսին ջուր չենք ավելացնում։ Առանց կափարիչի կաթսան դնում ենք միջին ուժեղության կրակի վրա, աղ ենք անում։ Արգանակը եռալուց հետո թողնում ենք միսը թեթևակի կարմրի։ Եթե խոզի մսով ենք պատրաստում, ապա բուսայուղի կարիք չկա։ Իսկ տավարի և գառան մսի դեպքում մի քիչ բուսայուղ ենք ավելացնում և կաթսան կրակից վերցնում։ Սոխը կիսաշրջաններով կտրում ենք և լցնում մսի վրա։

Այնուհետև ավելացնում ենք միջին կտորներով կտրատած գազարը։ Այժմ ավելացնում ենք կարտոֆիլը։ Կարող ենք նաև սմբուկ ավելացնել։ Կարմիր տաքդեղը բավական խոշոր կտրատում ենք և շարում կարտոֆիլի վրա։ Աղ ենք անում, և վերջում շարում ենք շրջանաձև կտրատած լոլիկները։

2 բաժակ ջուր ենք ավելացնում։ Կափարիչը ծածկում ենք և դնում թույլ կրակի վրա և 2-2,5 ժամ թողնում ենք շոգեխաշվի։ Վերջում ճզմած սխտոր ենք ավելացնում։ Ի դեպ, խաշլամա մատուցելիս պետք է վրան կտրատած կանաչեղեն լցնել` մաղադանոս, համեմ, սամիթ։ 

Լրահոս

Նմանատիպ նորություններ